الغاء وحذف كل مواضيع الطبب والمسدسات البلى وتعديل الاسلحه - السماح ببيع مسدسات الصوت المقفوله فقط - عرض السن لزياده الاحترام بين الاعضاء لان الان معظم الاعضاء صغار السن جدا والبعض لا يحترم الاخر - بلاش نحزف المواضيع والعروض القديمه زى مالمهندس هاشم قال ولكن نغلقها لان فيى مواضيع من سنه واكتر ييجى عضو محترم بيزود مشاركته يقوم مجددها - اى اعلان غير جدى رجاء يتم حزفه - اى موضوع او استفسار مثير للريبه يتم حزفه والتحقيق فيه - اى عضو يسال فقط والاعضاء تجاوبه وياخد المعلومه فقط ومايردش عليهم ياريت تنبيهه فى ناس كتير كدا مصلحتها وخلاص - فى مواضيع شائعه ومتكرره دائما مثل اجراءات رخصه السلاح الحى - وارخص مسدس حى او صوت - ارخص بندقيه رش ومناسبه لمبتدىء ياريت كل المواضيع تتجمع فى موضوع واحد ويتم تثبيته وتجميعه مع قوانين وشروط المنتدى فى قسم واحدجديدمنفصل مع قانون الاسلحه المصرى واجبار الاعضاء الجدد على قرائته لتجنب تكرار المواضيع او اى موضوع يخالف القانون - اتمنى ان يتم اختيار مشرفين كبار السن ( 21 سنه فيما اكثر)ليكونو قدوه للجميع ويستطيعوا افاده المنتدى بخبرتهم وان يكونو على درايه تامه بالقانون وان يتميزو بسعه الصدر - انا عن نفسى معتزل الرابطه بسبب حده كلام اعضاء طاقم الاداره - موضوع سباق التسلح دا انا لا ارجحه لاننا ليس منتدى عسكرى مهمتنا الاساسيه هى الاسلحه التقليديه الخاصه بالصيد والدفاع وان كنا قد بعدنا عن الهدف الاساسى بسبب الاوضاع الامنيه فكل شىء انتهى الحمدلله - المنتدى يسمى الصيد فى مصر وليس الاسلحه الحربيه فى مصر والعالم
- فى الفتره الاخيره انتشرت مواضيع بيع احتياليه زى بيع الحداءه على انها شاهين - بنادق خرده باسعار عاليه بنادق باسعار خياليه - اتمنى حزف هذه الاشياء اذا حدثت ثانيه مع الابلاغ عنها - اى عضو يبيع سلعه غير قانونيه يتم ايقافه عند التبليغ عنه زى ما عضو كان عارض طلقات الى وبيبعها عالرخصه بدون ذكر اسماء - اى سلعه مغالى فيها ياريت يتم حزف موضوعها منعا لاستغلال حسن نيه الاعضاء وخاصه عديمى الخبره - فى اعضاء كتير ممتازه انسحبت او اخدت بنود بسبب سوء تفاهم ياريت يرجعوا تانى لان الخبره لا تقدر بمال - معظم الاعضاء الحاليين وخاصه الجدد المتفاعلين الان تحت 21سنه (قاصريعنى ) الاعضاء كبار السن اغلبهم انسحب او امتنع عن المشاركه - ياريت فيديوهات تعديل الاسلحه وفديوهات الاسلحه المخترعه من قبل الجيش الحر من اليوتيوب ماتتنشرش فى المنتدى - اخيرا المنتدى وكافه المنتديات تخضع لرقابه الامن العام وهذا حقهم الطبيعى ومن الممكن المخابرات ايضا لوجود اعضاء بالتاكيد من دول اخرى ياريت نخلى بالنا من المواضيع المنشوره والمشاركات -انا عارف ان كلامى مش هايعجب معظم الاعضاء بس دا رئيى الشخصى - جمعه مباركه على الجميع وماحدش يزعل