رد: طلعة نص الليل ( طريق الثعبان )
اقتباس:
المشاركة الأصلية كتبت بواسطة tarekvb
الله ينور يا باشا ممكن كام سوال لو تسمح ؟
هو الزناد فيه كام سوستة اللى حضرتك غيرتهم ؟
ايه اللى حصل فيهم بالضبط يعنى طارو انكسروا اتعوجوا ؟؟
الموضوع ده كلفك كام عند التغيير عند نبيل فتح الله ؟
يعنى للايفادة كنا عايزين نعرف حوار الزناد بشى من التفصيل شويه
واسف على الاطالة يا باشا
|
صباحك عسل استاذ طارق
اللى حصل طبعا حضرتك عارف انى ركبت للبندقيه سوسته ديانا ماجنوم للكرال
وطبعا السوسته دى قويه جدا على مجموعة الزناد
وبعد تجربه حوالى 20 يوم و 400 رشه تم ضربهم على اهداف ثابته وعلى طيور اثناء الصيد
الزناد علق وملقطش تعمير
فكيت البندقيه وركبتها تانى الزناد اشتغل عادى
لكن زياده فى الاطمئنان عشان ماتعلقش تانى انا عملت الاتى
اولا مجموعة زناد الكرال انا عمرى مافكيتها قبل كده ( ومش عارف فيه كام سوسته )
وعشان كده اخدتها ورحت بيها لورشة نبيل فتح الله
وحكيت للفنى اللى هناك اللى حصل
قاللى دى حاجه بسيطه سبهولى نص ساعه
وقبل ما امشى لقيته فتح درج وطلع منه علبه مليانه سوست زناد صغيره احجام مختلفه و اشكال وانواع
المهم مشيت قبل مايعمل فيه حاجه ورجعت بعد نص ساعه لقيته مخلصو ومظبطو
وقال ان السوست الصغيره بتاعة مجموعة الزناد كانت ضعيفه شويه من كتر الضرب
( حوالى 7000 رشه من يوم ماجبت البندقيه) وانا غيرتلو طقم سوست وخلاص المشكله اتحلت
قلتله حسابك كام
قال 25 جنيه
بس كده
يعنى كانت حاجه سهله
وخرجت بالليل فى نفس اليوم للصيد واديك شايف النتيجه اهى فى الصور
ههههههههههههههههه
اى خدمه ياكبير
__________________
*لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*
|