كل سنه وانتم طيبين يجماعه
وان شاء الله عيد سعيد عليكم
أنا بقترح اقتراح غريب شويه
طبعا كلنا كصيادين مش بنصطاد عشان ناكل اليمام او حتى لو بناكله
زهقنا منه ومن شكله هو والحمام
وبما اننا داخلين على عيد الاضحى وطبعا ناس كتير بتضحى وتدبح
وناس كتير بتبقى نفسها تساعد بس مفيش امكانيات
فايه رأيكم نخصص كام يوم نصطاد كلنا فيه وندى اليمام والحمام للناس الغلابه
اهو عمل خيرى فى عيد الاضحى انا عارف انها مش هتعتبر اضحيه لانها تشترط
من ذوات الاربع زى الماشيه والاغنام
بس يبقى عمل خير رائع ومش هيكلفنا وفى نفس الوقت الناس الغلابه هتفرح بيه
واهى كلها لحوم وبروتين ولا ايه
زائد ان لو الموضوع انتشر بصوره كبيره ده ممكن ينقل لناس كتيره جدا
يعنى ايه صيد ويزود ثقافتهم شويه تجاه الصيادين ايه رأيكم