اقتباس:
المشاركة الأصلية كتبت بواسطة _saiko_
طيب سؤال يا استاذ هوجن .. دلوقتي الرخصة لما بتطلع .بتطلع فاضية مش مذكور فيها نوع السلاح هل هو حلوا ن او هكلر او جلوك و بعدين يروح صاحب الرخصة يشتري و الراجل البايع يسجل ف الرخصة نوع السلاح اللي تم شراءة
ولا بيتكتب ف الرخصة نوع السلاح و بعدين صاحب الرخصة يروح يدور علية ف اي محل ويشترية .. لان الامر دة عمل لبس عندي .. لان ممكن واحد يطلع رخصة و يجيب سلاح متهرب و يسجلة و بكدة يبقي وفر فلوس كتير ولا اية رايك يا استاذ هوجان ارجو الافادة و التوضيح .. و كل عام وانت بخير يارب
تقبل مروري
|
يا باشا انت حضرتك مبيطلعلكشى رخصة
الأول تطلعلك الوافقة (تصديق مدير الأمن بحمل واحراز سلاح)
ثانياً يطلعلك بناء على الموافقة (اذن شراء) وده 3 نسخ
ثالثاً تاخد اذن الشراء وتروح تشترى بيه السلاح اللى انت عايزه مثلاً لو اشتريت من اى شخص هتروح قسم الشرطة اللى فى الدائرة بتاعته وهناك هياخدوا بصمة السلاح على الـ 3 نسخ بعد كده هياخد نسخة ويديك نسختين
رابعاً تروح بنسخ اذن الشراء والسلاح للقسم اللى حضرتك تابع ليه وهناك هيستلموا نك النسختين اللى معاك وياخدوا بصمة السلاح تانى وصورتين 6*4 علشان اجراءات الرخصة
خامساً بعد حوالى شهر كده تطلعلك الرخصة وعليها بيانات السلاح
والف مبروك .... وكل سنة وانت طيب