الكتابة او النحت على المسدس
السلام عليكم ادارة واعضاء المنتدى
الموضوع بخصوص الكتابة او النحت على المسدس او حتى تغيير الكتابة على مسدسات الصوت وده هيساعد فى حل مشكلة تغيير شكل مسدس الصوت وخاصة التركى اللى بتضايق كتير من الناس
ادخل فى الموضوع انا فكرت كتير انى اكتب ع السلاح الخاص بيا اسمى بس يكون منحوت ولانى مش خبير ف النحت ومش حابب ادور ع حد متخصص عشان بس يكتبلى اسمى ع المسدس فكرت ان اذا ف اداة بسيطة ممكن تكتب ع الصلب بحيث يكون نحت محفور بس تكون حاجة غير ماكينات الليزر لانى طبعا مش هشترى ماكينة ليزر ضخمة تمنها الاف وانقلها لبيتى عشان اكتب اسمى ع المسدس او حتى ع كعب المسدس او الخزنة الخاصة بيه دورت كتير ع النت ولقيت ادوات بسيطة ممكن نستخدمها ف البيت بس كمان بتعتمد على النحت اليدوى يعنى هيكون بواسطة محترف يعنى كمان مش انا اللى هعملها ومع البحث لقيت ان ف اقلام (engraving)للنحت ع المعادن والزجاج والاخشاب وغيره وكان ابسطها او ارخصها نوع معين اسمه (engrave it) لقيته معروض كتير للبيع ع النت ف مواقع تجارية ولقيتله فيديو بيشرح استخدامه والقلم بيكون معاه اسطامبة حروف واشكال يعنى هيسهل استخدامه عن طريق اى حد غير محترف يعنى ممكن كل شخص حابب يضيع الكتابه الموجوده ع المسدس التركى ويكتب هو اي شىء تانى او حتى يكتب اسمه او حتى يكتب عيار زخيرة تانى او يعمل لوجو تانى للمسدس هو حر وانا مش بعمل دعاية للقلم ده لانى مش ببيعه ولا بعرف حد بيبيعه انا بس بحاول اقترح والموضوع مفتوح للنقاش والقلم اللى انا ذكرت اسمه انا هرفق صورته لانى من رايى الشخصى انه اسهل منتج ممكن يستخدمه غير المحترفين وكمان ارخصهم وجارى رفع صور المنتج ومقاطع منقوله من ع اليوتيوب لتوضيح كيفية استخدام القلم وانا ما بحثتش هو بيتباع فين ف مصر لانى برا مصر دلوقت لو حد عرف بيتباع فين ف مصر ياريت يقول عشان الاعضاء تستفيد كمان لو حد عنده علم بطريقة تانية سهلة تكون ف متناول الاعضاء يقول عليها الموضوع مفتوح للنقاش ومستنى ردود العضاء اللى هيفيدونا بتجاربهم وخبرتهم او حتى اراءهم وشكرا
__________________
وعباد الرحمن الذين يمشون على الأرض هونا وإذا خاطبهم الجاهلون قالوا سلاما
|