رد: مبتدئ ومحتاج مساعده
وعليكم السلام
اهلا بحضرتك معانا ونورت المنتدى
بالنسبة للمنتدى التانى على ما اظن محدد ليه وقت وهيتم الغائه وهو كان هاك وده المنتدى الجديد ان شاء الله
والتمرين على البنادق والمسدسات الرش غير الحى طبعا
ولو حضرتك عايز تتمرن على التصويب انصحك تجيب مسدس ايرسوفت
افضل علشان بيعلم كتير فى التصويب وكويس كبداية لاستخدام الرش
بالنسبة للاحسن دى بتختلف على حسب الحالة والسعر الى متوفر مع حضرتك
فى الاعلى بتكون الديانا وسعرها بيكون غالى جدا وفى حاجة زى الكرال مثلا 1200 تقريبا
وكويسة جدا وفى الاقل زى الرمسيس والمعادى 600 بالكتير
بالنسبة للرخامة فحضرتك ممكن تجيب جراب كويس تحط فيه البندقية هيفى بالغرض
بالنسبة للاماكن حضرتك هتلاقى هنا صيادين من كل مكان بينظمو رحلات وممكن تخرج
مع اى حد منهم هيكون افضل وانك تكتسب خبرة من صياد قديم افضل من الصيد الفردى
والتعامل مع المحلات انا عن نفسى مش بفضله عند حضرتك هنا تجار ممكن تتعامل معاهم
وممكن يوصلو لحضرتك الى انت عايزه وناس محترمة جدا
وحضرتك ممكن لو عايز حاجة تعيش بيها كرال ماجنوم نمرة 2 وتبقى عشرة عمر
وبالنسبة للصوت المفتوح بيكون فيه ضرر عليك وحبس فمش بفضله
ممكن تجيب مسدس فايبر ساقية كويس جدا جدا ومش بيحتاج طبة علشان يضرب بلى
يعنى مظنش ان عليه عقوبة وشيك وصوته كويس جدا
اتمنى اكون افدتك
وشكرا
|