أعزائي اولاد بلدي...السلام عليكم
تعرفت بلصدفه علي منتداكم الجميل ده وقلت اشارك معاكم بتجربتي علشان حبيتكم لله في لله واديكم فكره عن الناس إلي بتحب السلاح زي حلاتكم وحلاتي عايشين إزاي بره مصر.
انا ياخونا مهندس مصري هاجرت وعايش في كندا من ١٤ سنه. بفضل الله بشتغل في مجالي في مكان محترم وطبعا معايا الجنسيه من اكتر من ١١ سنه دلوقتي.
حبيت احكيلكم علي الموضوع الخاص برخص السلاح لما لقيت ناس كاتبه عن ...."قواعد إستخراج رخصه سلاح في مصر"..! هههاءء... من الأخر كده بقولهلكم ....مفيش قواعد. أو فيه كلام مكتوب في يفط و "اورنيكات" ولايحترمه أو يطبقه أى حد من المسؤلين عن الأمر في الداخليه المهترئه والموبئه بلفساد في جميع أنحائها في ,علي أقل تقدير, الثلاثين سنه الأخيره. اصطبروا معايا وإسمعوا للأخر بدون مطول عليكم...لاء قولوا طــــول.
لو مهتمين ردوا وأنا اكمل في مشاركات قادمه... وحتي نلتقي هسيبكم مع كام صوره لجزء من مجموعه مقتنياتي الحاليه.
اخوكم لسه مسجل ويعتبر زوغنون عندكم لسه بــــس قديم أوي وخبير سلاح شخصي وبنادق من أيام لما لاكان فيه نت ولا جوجل. كان بس كتب ومجلات متخصصه ومكتش تعرف تلاقيها في مصر أساسآ.
