اهلا بيك فى المنتدى معانا
وانا لسه عضو جديد ومبتدئ زيك واستفدت كتير من المنتدى
انا هنقلك كل ال عرفته من المنتدى ومن تجربتى الشخصية مع بنادق الرش ويارب اقدر افيدك
----------------------------------------------------------
انا عشان لسه مبتدئ قولت حرام اشترى بندقية غالية فترجع تبوظ منى ولا الهواية ماتعجبنيش فأبقا خسرت كتير
فالحمد لله لقيت بندقية مستعملة عند واحد وجبتها بمبلغ صغير وهى شنغهاى صينى نمرة 2
فاول حاجة تعملها تشوفلك بندقية زى كده كبداية وكام علبة رش وانا جربت مارسمان مصرى العلبة ب 5 جنيه وابتدى جرب نفسك ف النشان وادخل ف مود الصيد
هتحيرك شويه حكاية تظبيط النشان ف الاول لان مفيش حاجة بالساهل ابدا
هتطلع تصطاد وهتصاب بالاحباط ف البداية لانك غالبا مش هتصطاد حاجة ,,,,, فماتزهقش دا طبيعى جدا وحصل معايا
كل مرة هتطلع تصطاد فيها ومش هتصطاد حاجة هتاخد خبرة فماتتضايقش
وكل مرة خد واحد صاحبك معاك أديك بتتسلى وبتتمشى واهى رياضة وهواية حلوة
بعد كام مرة هتبدأ تصطاد وتلاقى ربنا بيرزقك من حيث لا تدرى
وهتبقا عايز تطلع تصطاد كل يوم ,,,,,,, بس دى ارزاق
ظبط بندقية وشيك ع المسامير واربطها كويس وشحم البندقية وزيتها وعلبتين رش واطلع جرب ف النهار وخد معاك حد من اصحابك ودا مهم يعنى عشان انتا بتكون مشغول بالبندقية والصيد ومش واخد بالك كويس م نالطريق فهوا عامل أمان برضو
ونصيحتى ليك
تطلع تصطاد بالليل وخد كشاف نوره قوى معاك لانك هتحس بمتعه كبيرة جدا لانك مبتدئ ومش قد كده ف النشان زى حالاتى فالليل اليمام مش بيطير غالبا وممكن تضرب ع اليمامة 5 رشات وماتطيرش
وعليك بشجر التوت اولا وبعدين غالبية الشجر
وهكذا
اتمنى اكون قدرت افيدك
ولو احتجت اى حاجة انا ف الخدمة على قد معلوماتى المتواضعة