[دكتور عابدينوف]

الموضوع دا بطلب فيه المساعدة بالنصيحة والدعاء من السادة الاعضاء المحترمين عامة والاطباء خاصة
انا بفضل الله ونعمته تقريبا خلصت سنة 5 طب بشرى
طبعا فاضل سنة وامتياز وابدا معركة الحياه من تكليف ونيابة والموال دا كله ولازم ابدأ افكر من دلوقت هختار ايه
انا لحد دلوقت من الى درسته بعشق حاجة اسمها طب وجراحة العيون وكنت خلاص نوين وبنزل المستشفى اتدرب واتعلم الكشف واشتغلت بايدى كمان
مميزات الرمد ليا :-بحبه جدا
-اتعرفت على الناس وهيعلمونى
عيوبه:-تكلفة العيادة عالية ودى الى حد ما مقدور عليها لكن هتكون تقيلة برضو
-تقديراتى جيد يعنى عشان اخد رمد فالاول ممكن اروح جنوب السودان ولا حاجة :d
ــــــــــــــــــــــــــــــــــــــــــــــــــ ـــــــــــــــــــ
من يومين كنت مع نائب عظام نعرف بعض كويس وسالته
قالى انتا تبقى ..........لو ما اخترتش مسالك
(جملة اعتراضية :انا خالى يعتبر من علماء جراحة المسالك فى مصر وبيعمل حاجات ماحدش غيره بيعملها على اساس كدا نصحنى الزميل دا بالمسالك)
قلتله ليه ..قالى يابنى خالك دا هيعلمك ويكبرك بسرعة ويساعدك ويديك كل علمه ومش هيبخل عليك بحاجة الخ
دلوقت مميزات المسالك بالنسبالى :-تعليم محترم جدا
-عيادة ببلاش تقريبا
-تحتاج مجموع قليل
العيوب :ماجربتهاش لسة وخايف ماحبهاش
ــــــــــــــــــــــــــــــــــــــــــــــــــ ــــــــــــ
اسف انى طولت عليكم بس لازم اجمع الاراء عشان استقر وابدأ من بدرى باذن الله
وشكررررررررررررااااااااااا