رد: مساعدة
بص انا خبرتي مش اوي
بس انا هقولك الحجات الحلوة اللي تقدر تجيبها و قريب من المبلغ ده
الرمسيس عيار 5.5 ب 600
الشنجهاي B3-2 عيار 5.5 ب 750 -800 سرعتها 128 متر تعمير بعتلة سفلية
الكرال التركي عيار 5.5 ب 1100 -1200 دي الدبشك بلون الخشب سرعتها 240م/ث نيشينكان فوسفوري
النوريكا سبورت عيار 5.5 في حدود 1250 - 1300 جنيه سرعتها 160م/ث نيشينكان فوسفوري
الجامو هانتر 640 في حدود 1350-1400 سرعتها 168 م/ث نيشينكان فوسفوري و هية فايبر
و انا لو مكانك كنت هزود على ال 1500 250 جنيه كمان
و كنت هجيب العملاقة
البام 21 و دي بندقية معمرة سعرها 1750-1800 انت و شطارتك سرعتها 290 م/ث و دي نسخة من الديانا 54 و بعد كده ممكن تغيرلها السوستة لو ضعفت بسوستة الديانا
اما بقى لو انت مبتدأ خالص و اول مرة تمسك بندقية
يبقى ممكن تبدأ بال b3/2 سعرها كويس و سرعتها كويسة لمبتدأ
و الاحسن منها النوريكا سبورت و خامتها نضيفة كدا و سرعة متوسطة و ممكن الكرال التركي برده بس هتبقى قوية عليك شوية
الكلام ده لو انت ممسكتش بندقية قبل كده
انا في نظري كل البنادق بتصطاد
بتختلف بقى في الاهتمام بالسلاح و المداومة على صيانته
و الله انا شايف ناس في المنتدى بتصطاد بالرمسيس و عمالة تشكر فيها
كله بالصيانة الدورية و الاهتمام بالسلاح
|