[Orabi]

يا رجاله إحنا قلنا 100 مره إن هنا المنتدي الأصلي بس ماشي نقول بس المره دي عذرآ لو في كلام نابي ضمن ما سأقوله ...

الهكر المتخلف اللي هناك اللي كاتب رد بيقول فيه ان بعض المشرفين الخونه سرقوا نسخه لقاعدة البيانات للمنتدي و عملوا بيه منتدي تاني أحب أرد و أقولكم كام نقطه.

1- هو في حد ممكن في أي موقع في الدنيا حتي لو موقع لعبة سودوكو ياخد نسخه من قاعدة البيانات غير أكونت الاداره ؟!!!! يعني الناس اللي فاهمه في أعراف وبروتوكلات المنتديات .. مفيش أي مشرف أو مشرف عام ولا مدير عام للمنتدي له الصلاحيه دي غير أكونت الاداره ...؟!!!

2- يا عم الناصح لما أنت عملت باند للمشرفين المعروفين زي أ/محمد محمود و أ/هوجان و أ/ محمد سعيد و العبد لله ... علشان دول هما الناس الوحشين و اللي أنت سايبهم معاك لحد دلوقتي المفروض إنهم الناس المشرفين الحلوه ... طب بالعقل كده يا عم الناصح .. ليه سايب أ/ كريم عيد و أ/ سيد خالد و أ/ عادل 152 و أ/ طارق
وهما موجودين معانا هنا في طقم الإشراف مش المفروض دول برضه خونه .. ؟!!! دي صوره من طاقم الإداره هناك و ادخلوا شوفوا برضه هناك و إتاكدوا !!!


3- أي عضو قديم و معروف وسط الأعضاء دلوقتي بيعمل تحذير هناك بيتعملوا باند علي طول ؟!!!! .. برضه يا عم الناصح هما الأعضاء القدام بتوعك مش المفروض إنك تحافظ عليهم لو أنت المنتدي الأصلي و متعملهومش باند و لا أنت بتعمل باند ليه ... ليه مبترضش بأدله و براهين زينا هنا ؟!!! .. و لو أنت الأصل ليه الأعضاء مبتكلمهومش مثلا علي التليفون و تحذرهم زي ما إحنا عملنا هنا.

4- يا عم الناصح هاتلي عضو واحد هناك وقف جنبك و قال إن انت الأصل و جه حذر الناس هنا !!!! ده لأنك متعرفش حد هناك .. انما إحنا هنا بفضل الله كل الأعضاء عرفانا و بنكلمهم و بنقابلهم و بنطلع نصتاد معاهم .. يعني لو إحنا مش إحنا ماكنوش جم معانا و هنا .. مش كده ولا إيه.

5- الغني عن التعريف سيادة المستشار محمود فليفل و دكتور محمد كمال اللي وسط الصيد كله يعرفهم حضروا معانا ليه مسابقة الرمايه للمنتدي اللي إستضافها كالمعتاد محمود بك فليفل في فيلته زي كل مره .. يعني لو إحنا الناس المش أصليين كانت الناس دي هتقولنا علي رأي القذافي من أنتم ؟!!!!

6- إحنا نزلنا هنا صور و فيديوهات المسابقه بتاعت المنتدي حصريآ اللي حضرها الناس القديمه كلها و عملاقة المنتدي اللي نعرفهم و يعرفونا ... أنت بقي عدم المؤاخذه نزلت إيه ... هات دليل واحد بيقول إنك المنتدي الأصلي ..

7- هنا يوجد العملاقه مع حفظ الألقاب : هشام سمير / محمد محمود / عادل عبده / هوجان / محمد سعيد / المستشار فليفل / دكتور محمد كمال / أشرف فوزي / الحاج عرفه / محمد العناني / محمد توتو / هاشم أنجل / عادل 152 / محمد بدر / قناص المنوفيه / المشاكس فيشتك اللي لو إحنا المزورين كان فضحنا في كل مكان ههههه يا عم أقولك مين ولا مين ... أنت بقي عندك مين ؟!!! ولا المنتدي كله بقي خونه.

للأسف أنت هاكر شاطر عرفت تسرق المنتدي القديم بس المشكله إنك قفل لأنك غلط لما سبت ناس من الإشراف اللي معانا اللي هما الخونه معاك هناك زي الصوره اللي فوق كده و إنك وقعت في منتدي الناس عارفه بعض و عرفانا واحد واحد ... روح يا بني العب مع منتدي تاني الناس مش عارفه بعض فيه