[adel152]

المشاركة الأصلية كتبت بواسطة دكتور/عادل

الامر ببساطه هو غرفه يتم بها ضغط الهواء عن طريق بستم تدفعه سوسته مع جلبه محكمه امام ذلك البستم لمنع تسرب الهواء وارتداده للخلف بدلا من توجهه للامام من خلال فتحه بتلك الغرفه ليجتمع هذا الهواء المضغوط خلف المقذوف(الرشه)ويدفعه من خلال الماسوره التى توجهه وهناك عده عوامل تتحكم فى تلك القوه:
1-قوه تلك السوسته لعمل سرعه اكبر فى الارتاد تولد ضغط اعلى داخل غرفه الضغط
2-حجم غرفه الضغط فكلما زاد حجم الهواء زاد ضغطه وسرعه المقذوف
3-احكام جلبه المكبس حتى لا يتسرب التضاغط
4-احكام جلبه الماسوره فى البنادق الكسر
5-وزن المقذوف
6-الاحتكاك
بقيت نقطتان اود الاشاره لهما فرجن f تم عملها فى معظم الاحيان بعمل ثقب صغير فى مقدمه البستم بحيث يتسرب جزء من الضغط للخلف فتضعف القوه
النقطه الثانيه ودى مهمه برضه انه فى حدود وشروط لتغيير السوسته يعنى موش اى شئ وبس يعنى مثلا اذا جبت سوسته حلقاتها اكتر لما تنضغط للآخر فيه مشكلتين:
1-ممكن لانها وهى مضغوطه اطول من الاصليه وهى مضغوطه تمنع لسان البستم من التعشيق او تخليه معشق نص نص فتنطلق البندقيه وحدها وقد تحدث اصابه لا قدر الله نتيجه لذلك
2- هذا الطول الزائد للسوسته المضغوطه سيكون على حساب حجم الهواء فى غرفه الضغط وبالتالى ما كسبته من قوه السوسته رجعت خسرته تانى
طيب لو جبنا سوسته بنفس عدد الحلقات بس نوعيه اقوى كده ممكن بس برضه بحدود ليه لان الشركه عامله حسابها فى خامات البستم والبندقيه على قوه محدده للسوسته وممكن لو زادت عن اللزوم تكسر البستم او تخرب لسان البستم او مجموعه الزناد
يبقى من الاول وانا بشترى اختار البندقيه بالقوه المناسبه والعيار المناسب للغرض الذى اريده وبالمناسبه كل البنادق الموجوده جيده للصيد العادى اللى معظمه يمام وحمام فى حدود 15 الى 20 متر والحاجات القويه موش حتحتاجها الا فى القليل النادر زى صيد الارانب والتعالب والبط والاوز وده موش كتير

تسلم أيدك يادكتور.