رد: انهاردة اتعرفت علي كنز من كنوز المنتدي .. ربنا يديم الاخوة و المحبة يارب
الشرف لى انا
بشمهندس سيد
بس انت خلاص قبلوك فى الجيش فاحمد ربنا وارضى بقضائه وكل شىء نصيب ومكتوبلك يوم تتجوز فيه ومكتوب يوم معين لروح جديدة ولطفل جديد هيتخلق فى اللحظة اللى ربنا كاتبهاله فيها وده لما ربنا يرزقك بالذرية الصالحة بعد الجواز
(وقل لن يصيبنا الا ما كتب الله لنا هو مولانا وعلى الله فليتوكل المؤمنون) صدق الله العظيم وانا كمان يا سيدى قضيت الخدمة العسكرية
ووقتها كنت بلعب اكتر من رياضة بالاضافة للبدى بيلدنج وسلمتها لله ورحت ومش عايز اقولك ايه كان عندى لياقة وفورمة تخليهم لازم يقبلونى وسبحان الله اول دكتور فى القومسيون لقيته بيقلى خليك على جنب قلقت وبعدين وقف جنبى مجموعة بدأوا يهلوا واحد ورا التانى لقيت واحد منهم قصير وواحد مش عارف عنده اعاقة وواحد السبابة مقطوعة وانا مستغرب وكنت بصمت فى الملف وفى البطاقة العسكرية وقتها بالشمال وفهمت من اللى واقفين جنبى
ان اللى يبصم بالشمال خلاص غير لائق فرحت وكنا هنروح تانى يوم مش فاكر بالضبط هنشترى نموذج 110 جند او مش فاكر رقمه بالضبط عشان تانى يوم نملاه ونخلص رحت تانى يوم لقيت رئيس القومسيون هو اللى موجود بنفسه وهو اللى هيصدق على الناس الغير لائقة المهم كنت انا اول اسم فيهم نده على وبصلى باستغراب ولسا فاكر كلامه مرة واحده اتعصب وكشف عليا وقالى انا عايز ما انا لازم اطلع عيب او اعرف مين اللى وراك وخلانى قلعت هدومى الا الاندر طبعا وفضل يخبط بعصايه كأنه بيخبط فى حيطه وقالى وحياة امى انا هعرف مين اللى وراك واتجنن وادالنا كلنا قرار لياقة انا والمجموعة اللى كانت معايا ورحنا كلنا تظلمنا وكلهم اخدوا اعفاء فيما عدا انا ادولى قرار لياقة جديد من ادارة التجنيد ودخلت مركز التدريب وبعدين تظلمت وعملت مسح طبى اكتر من مرة وكل مرة اخد قرار لياقة لحد ما اتخنقت وبعدين اتاقلمت وقضيت جيشى وكونت احلى صحبة وعلى فكرة اول دكتور ادانى عدم لياقه كان مزاجه عالى قوى لانى اكتشفت انه ادانى عدم لياقة عشان فلاتفوت خفيييييييف فى القدم الشمال وما كنتش مكلم واسطة ساعتها رحت وسبتها على الله
__________________
وعباد الرحمن الذين يمشون على الأرض هونا وإذا خاطبهم الجاهلون قالوا سلاما
|