اقتباس:
المشاركة الأصلية كتبت بواسطة black dragon tc
رجاله بورسعيد عامله قلق ليه في المنتدى يا جدعان
طيب ركزوا معايا بقا
محلات السلاح في بورسعيد
أشرف السحيلي ( جنب قسم العرب ) ده اسلحه و ذخائر بس مفتحش من بعد الثوره للي حصله في وقت الثوره
================================
سرحان ( في الممر بجوار خير زمان ) اسلحه و ذخائر
هتلاقي عنده كل شئ نفسك فيه و الصراحه في التعامل مشتفش منهم حاجه وحشه سواء من الراجل الكبير او ولاده الاتنين
بس اكيد مش واحد كل شويه يروح يسال و يلعب و مش بيشتري حاجه هتكون المعامله كويسه
العيب ( اسعاره مرتفعه نسبيا عن اسعار المنتدى )
================================
سرحان ( شارع النهضه في الممر بجوار صيدناوي ) اسلحه و ذخائر
هتلاقي عنده حاجات محدوده الصراحه الشيخ هناك معاملته كويسه جدا و نفسه طويل مع الناس
العيب ( اسعاره مرتفعه نسبيا عن اسعار المنتدى )
================================
وينر ( شارع ممفيس بجوار محلات جاسطن ) محدثات صوت
المحل ده حائز على جائزه اعلى اسعار في جمهوريه مصر العربيه
ده غير المعامله الغريبه الست اللي هناك دي متفهمش اي حاجه في السلاح
و بتقول اي كلام و تقولها مثلا السلاح الفلاني ده غالي ليه
تقولك اصل ده بيتقلب حي و سئلتها مره لو اتقلب حي فيه مشكله او خطر
قالت لي لا لا لا خالص ده امان جدا
و لما جيت اتاكد قولت لها انتي قصدك بلي ولا رصاص حي ؟
قالت لي لا حي عيار 8.5
قولت لها بيتقلب ازاي ؟
قالت لي بتشيل بس حاجه كده جوه الماسوره و يشتغل حي على طول
قولت لها يعني مش بنغير الماسوره
قالت لي لا لا لا لا لا لا الحاجات دي بتاعه الناس اللي عاوزه تكلف نفسها و مش فاهمه
طبعا انا كنت هامشي من عندها على قسم الشرق بس قولت سيبها اهي مسليه
==================================
الهدف ( بجوار كافيه العروسه بس من الشارع الجانبي ) محدثات صوت
المحل معاملته كويسه جدا
اسعار الاكسسوار و الطلق نسبيا قريبه من اللي في المنتدى
اسعار السلاح نفسه عاليه شويه و تقريبا نفس اسعار سرحان
==================================
في محلين كمان في بورفؤاد و لكن اعذروني مش عارف العنواين بالظبط و لكن هسئلكم عليها
بس اسعارهم برضه عاليه
==================================
خلاصه الكلام اي حد من بورسعيد و عاوز اي حاجه من القاهره
يظبط مع ابو سيف او هيما
و اجبهاله انا لاني في القاهره بمعدل من مره ل مرتين اسبوعيا و مجانا يلا خلي البورسعديه يضربوا نار
و لو عاوزين حاجه مستعجله من سرحان قولوا لي و انا احاول اظبطلكم سعرها معاه لانه يعرفني بس برضه مهما كان بيفضل اغلى من المنتدى
و اللي عاوز يبلغ عن الست بتاع وينر يقولي و انا شاهد معاه
نفسكوا في حاجه تاني ؟
يلا كفايه كده النهارده سلامو عليكو |
وربنا انت برنس وجيت في وقتك مية مية يا فنان طب مش تسيب رقمك يا نجم لو عاوزينك في مصلحة وبالنسبة للست دي داخل بسألها عن الريتاي بارون بتقوي دا اسمه زيج زاور مش ريتاي بارون قوتلها جبتي التايهة يا مدام هههههههههههه
تسلم يا غالي على الافادة والف شكر