اقتباس:
المشاركة الأصلية كتبت بواسطة محمد خلف
السلام عليكم
و كل جمعه و انتو طيبين
و كل دستور و انتو طيبين بردو
دلوقت اجدعان في حاجه عاوز اعرفها
انا بسمع عن العيارات
22
38
45
50
طبعا مش منطقي ان العيار دا يكون بالمليمتر زي ال9 او 8 ملم
و اذا كان الرش نمره 2 عياره 22 و قطره 5.5 ملم
فكرت ان الرقم دا ممكن يكون وزن مثلا
بس عاوز اعرف من الرجاله الي في المنتدى عشان ابقى عقلي ارتاح
و عرفت معلومه جديده
و لما اتكلم مع حد مبنش لا مؤاخذه حمار
و انا عارف ان محدش هيفيدني زي اخواتي الي في المنتدى
|
الاخ العزيز ا/ محمد بعد التحية.
4.5مم = 177.
5.5مم = 22.
9.65مم = 38.
وهكذا الخ.
مم = مليمتر
القياس الاخر (177. - 22. - 38.) ده القياس بالبوصة. والبوصة الواحده = 25.4 مليمتر.
لو حضرتك شوفت أى متر زى اللى بيستعمله النجارين والخياطين ومساطر التلاميذ مثلا حتلاقى فى كل جنب قياس مختلف واحد بالمليمتر والاخر بالبوصة. (أنظر الصورة أسفل الرد).
أول من أنشأ وحدة القياس بالمتر هى فرنسا سنة 1799.
وأول من أنشأ وحدة القياس بالبوصة هى بريطانيا سنة 1824.
أدعو الله أن تكون هذه هى المعلومة التى اردت معرفتها وأصبحت الامور واضحة لحضرتك.
خالص تحياتى.