طلعة عوة الأمان لعبد الرحمن
السلام عليكم ورحمة الله وبركاته أحبابي أعضاء الصيد في مصر
النهاردة خرجت أنا وعبد الرحمن ابني نصطاد وكان يوم جميل مع رغم قلة الصيد
كانت بتريش معايا كتير النهاردة بس الحمد لله عبد الرحمن انبسط النهاردة قوي واحنا ماشين بنصطاد جانب جنينة لقينا كلبة والدة حوالي 4 أو خمس كلاب جاية ناحيتنا وشكلها
طيبة طبعًا عبد الرحمن خاف لأنه من حوالي شهر نزل يشتري حاجة من الشارع اللي جنبنا ورجع يبكي ويقول فيه كلب عضني دورت على مكان العضة الحمد لله كانت هبشة في الهدوم بس طبعًا كان مخضوض جامد واتعقد جامد وخاف ينزل إلا وأنا معاه ونزلت ساعتها لصاحب المحل وقلتها إيه موضوع الكلاب دي قالي فيه كلبة هي اللي لما الكلاب كلها حولها ولو تعرف تديها ضربة في دماغها وتموتها كله هايمشي من هنا
وكنت لسة مشترتش البندقية وبعد ما اشترتها ملقتهاش أصلًا الحمد لله أنها مشيت
فالحمد لله عبد الرحمن النهاردة اطمن لما شافني بلاعب الكلبة وباديها يمامة وقالي صورها وصورناها مع ولادها وكملنا الصيد بتاعنا
والحمد لله حسيت أنه اطمن وبعد ما رجعنا لاقيته رايق وكتب لي ورقة على قده كده بيباركلي فيها على البندقية وعلى الصيد وأترككم مع الصور ودمتم في أمان الله تعالى
|