دلوقتى انا من ريف المنوفية وطلعت رحلة صيد انهارده الصبح من بعد الفجر لحد الساعه 12 الظهر مع واحد زميلى معاه كرال تركي نمره 2 كسر وانا معاي تل مجري نمره 2 عتله رجعت ب 15 فرد يمام غير 6 وقعوا على بيوت مقفوله ومعرفتش اجيبهم وبطه من اللى بيعوموا في النيل اللى لونهم اسود وزميلي رجع ب 10 يمامات وزغلوله من اللى لونها ابيض وتوأم اليمامه لكن اكبر من اليمامه واضغر من الحمامه حاجه بسيطه جدا وصاد حاجه زي ابو قردان كدا عامله شبه البجعه ياريت المتمرسين هنا يقولولى اسمها وغرابين واحنا راجعين لقيت طائر كبير جدا من بعيد واقف على شجرة مانجو من اقدم الاشجار في حديقة السيد مرعي الاسطوريه العملاقة لما قربت اتضح انه صقر كبير على حد علمى وقفت قدامه مستخبي وسط شجر البرتقال الاقصر بكثير من هذه الشجره العملاقه وصوبت ناحية جناح الطائر دا وضربت وبالفعل حصل كسر بسيط في جناحه مقارنه بقوه المقذوف وحجمة بالنسبه لحجم الطائر الكبير وسقط على الفور في محاولته الفاشله للطيران مع عمل صوت كالصراخ تماما وانا راجع انا ماسك من جناح ومحمله عليه الجناح السليم طبعا وصديقي من الجناح المكسور كسر خفيف وكان طوله كدا بالعرض حوالى مترين او اقل بقليل وطوله من غير منفرد الجناحين حوالى متر الا ربع وانا راجع وماشي في البلد يقابلنى واحد يقلى صقر والتانى يقلى بومه وواحد يقلى عقاب وواحد يقلى نسر لحد مكنت هتجنن رحت وديته للدكتور البيطري في بلد جنبنا غلب الدكتور وغلبنا لانه عدائي جدا ولو لمسك بظفره هيبهدلك عشان هو قطع الجاونتى الجلد الطبيعى بتاع الدكتور وهو بيديه مصل مضاد حيوي ومجموعه من العلاجات لتساعد على علاجه سريعا والحمد لله طبعا اتضح ان المقذوف مدخلش جوا جسمه لكن احتك بجناحه من الخارج ودلوقتى هو فوق السطح حاطه في غرفه تهويتها كويسه وكبيره لحد ميتعالج ومش هصوره دلوقتى عشان جناحه المكسور لكن دورت على النت وجبت صوره زيه بالضبط تيبيكال نسخه منه كانه هو اللى موجود في الصوره شكل جناحه من تحت لما بيفتحه بنى برضو زي الصوره وفيه خطين بيض كدا بعرض الجناح من الجزء العلوي او طرف الجناح
دلوقتى اتمنى من الناس الافاضل هنا يقولولى دا ايه بالضبط عشان انا اول مره اشوف حاجه زي دي كنت شفت نسور بحرية كتير لونه ابيض في اسود جنب النيل او على شجر الجزورين العالى ومبعرفش اوصلهم نهائيا لانهم دايما بيطيروا لما يشوفوا اي حد نازل ناحيه الشجر اللى هما فيه مع العلم ان دا كان على شجره في الحديقه ودي موازيه لجسر النيل القديم يعنى جنب النيل برضو والنسور البحريه بتيجي في حدود المنطقه دي لكن بتكون عاليه جدا ومحدش يقدر يصوب عليها لسرعتها وارتفاعها حتى لو بتضرب بخرطوش او ببندقية موريس
اتمنى الافاده ولكم الشكر