اقتباس:
المشاركة الأصلية كتبت بواسطة mostafa ahmed
بسم الله الرحمن الرحيم
انا كنت اتكلمت عن مشكلة التل مجري هنا قبل كدا وناس افاضل دخلوا وافادونا لكن المشكلة دلوقتى انى اغير الجلده واجيبلها جلده زفره ويطلع العيب من الجزره فلو الجزره بتسرب اعرف ازاي وايه سبب التسريب واعالجه ازاي بس بعيد عن الطرق التقليديه يعنى الشحم جربته عادي ومحصلش حاجه ومش عايز الجأ للتنكيل عشان مبوظش البندقية لو فيه حد يعرف خراط كويس وهو عمل حاجه زي دي عنده اروحله يعملى جزره جديده او اشتريها على حسب التساهيل اتمنى تفيدونى |
استاذ مصطفى بعد التحية.
اللى قدرت افهمه ان حضرتك عندك تسريب بس مش متأكد اذا كان من الجلبة او الجزرة.
تأكد أن البندقية غير متعمرة ولا يوجد فيها رشة.
افتح الجزرة كأنك هتحط فيها رشة.
كده حضرتك قفلت بالجزرة مجال مرور الهواء الى الجلبة.
اشفط الهواء من الماسورة بفمك. لو الجزرة سليمة المفروض مافيش هواء يتسحب.
بعد كده أقفل الجزرة برده بدون رشة واشفط مرة اخرى. لو برضه مافيش هواء بيتسحب كده يبقى الجزرة والجلبة سليمة.
الطريقة الثانية أن حضرتك تغير الجلبة للتأكيد أن الجلبة سليمة (التل جلبة زفرة وثمنها مش غالى).
بعد كده يبقى مافضلش غير الجزرة.
خالى الجزرة مقفولة وعمر البندقية وبعدين أفتح الجزرة كأنك هتلقمها بالرشة بس برده ما تحطش رشة وسيب الجزرة فى هذا الوضع. بعد كده أمسك دراع التعمير كويس (مهم جدا أنك تكون ماسك الدراع كويس) وأضغط على الزناد لتحرير البستم كده ضغط السوستة كله على ايدك رجع الدراع ببطأ طبعا كده مجال مرور الهواء مقفول بالجزرة لأنك سايبها فى وضع التلقيم ده بيصد خروج هواء البستم والسوستة ثم تترك الدراع. لو الجزرة سليمة الدراع هيرجع مكانه لكن قبل الماسورة الماسورة ببطأ شديد.
لو الدراع رجع بطريقة سريعة شوية ده يدل على أن الجزرة بتنفس لأنك غيرت الجلبة ومتأكد أن مافيهاش تنفيس.
لو المشكلة فى الجلبة يبقى مبروك عليك.
لو المشكلة فى الجزرة ما تضيعش وقتك ولا فلوسك على الخراطين. حاول تشترى جزرة جديدة من الخارج وهى موجودة فى بريطانيا وحظك كويس أن جزرة نمرة2 أرخص من نمرة1.
شوف حضرتك الموقع ده والجزء المطلوب هو رقم 18 فى القائمة وسعرها 12 جنيه أسترلينى يعنى حوالى 125 جنيه مصرى + مصاريف الشحن.
http://www.proteksupplies.co.uk/page39.html
طبعا حضرتك ممكن تدور عند بتوع تصليح السلاح على جزرة أستعمال لكن تأكد انها بحالة جيدة قبل الشراء.
مرة أخرى نصيحة أخ ماتضيعش وقتك وفلوسك أنك تعملها بلدى عند أى خراط.
بالتوفيق وخالص تحياتى.
وأسف على الاطالة.