[aymank2]

تحياتى لكل الزملاء المحترمين يوم امس طلعت انا والاستاذ عمرو جعفر بالديانا 52 فى اول طلعه مع رش بروماجنوم والجيت مع رش جامو ماتش كنا فى المكان الساعه 7 بالتمام الصيد كان قليل والجو كان حار كأننا فى الصيف التريش كتير وده يرجع انى لسه متأقلمتش مع ال52 عمرو كان بيضرب بمعشوقتى الجيت الطلعه كان فيها شويه ضربات مميزه عمرو خلاص بقى صياد ممتاز وليه ضربات جميله الصيد فيها مقفول ومن مسافات فاضل شويه خبره ويبقى صياد خبير .
مش عارف اوصفلكم مدى اشتياقى للجيت ومدى حبى وعشقى لها لولا احراجى من عمرو وصعوبه تعامله مع ال 52 كنت بادلته طبعا ال52 كان ليها ضربات مميزه لكن المشكله فيا انا كنت حاسس ان فيه حاجه نقصانى وان انا مش انا هههههههوده دليل ان فيه بندقيه بتحبها وبتحبك وان فيه علاقه تألف بين البندقيه والصياد والبندقيه لا يفرق سعرها او بلد صنعها او حتى قوتها على الصياد محب الهوايه ان يبحث دائما عن هذه البندقيه حتى يجدها طبعا ال52 سوف تأخذ فرصتها حتى اتأقلم معها حتى تصبح معشوقتى الثانيه الشرع محللنا اربعه ولا ايه هههههههه.