اقتباس:
المشاركة الأصلية كتبت بواسطة moorey
كلامك صح 100 % بس انا عندي مشكلتين
الاوله ان المكان الانا بصطاد فيه الناس مش طيقاني اساسا كل شويه يقولولي امشي يا كابتن علشان البهائم خيفه و هكذا .......................
تاني مشكله ان انا بتكسف امسك البندقيه في الشوارع و الناس تفضل تبص عليها ههههههه
ده حتي و انا رايح اصطاد بخلي صحبي البيطلع معايه هو اليمسكها في الشوارع الفيها الناس
ههههههههههههههههههه
يعني انا مشكلتي ان لما اتفق مع واحد صحبي و اقله تعاله نطلع نصطاد بكره و اقله عدي عليها الساعه 6 الصبح مثلا ساعات كتير ما بيجيش و انا ببقا نفسي اصطاد
و لما هو ميجيش ببقا هتجنن و عاوز اروح اموته و ارجع و افضل اشتم فيه لحد ما انام هههههههههههههه فعلشان كده انا عاوز اتعود اطلع لوحتي  |
بص يا جميل
انا مجرب الأعتماد انك تطلع مع حد.........
السنة اللى فاتت كنت بتفق مع ناس نطلع نصطاد سمك
كانوا يناموا واكلمهم كذا مرة الصبح مايردوش
ولما يرد يقولى روح انت اصلى انا مش جاى
كنت بدايق لما هو مش رايح ماقليش لية من بالليل
مستنى عشان يعملهالى مفاجأة الساعة 4 الفجر هههههههههههههههه
ودا طبعا بيكسلك لو المشوار بعيد
طبعا ادايقت مرتين وبعدها
مابقتش اعتمد على حد
وكمان انا فيا عادة حلوة ليا ووحشة للأخرين ههههههههههههه
اخلف معايا ميعاد واحد .................واحد بس اعلم عليك طوول عمرى وماطلعش معاك اى مكان
ميزة الموضوع دة انة بيهدى الضغط والسكر والزيت هههههههههههههههههه
دا ليا طبعا ههههههههه
ندخل المهم
لازم تخلق بيئة الصيد قبل ما تصطاد
يعنى ابدء اى فرد تقابلة فى القرية دى بالسلام
خد معاك اكل بزيادة وافطر مع الناس دى....قولهم عيش وملح
خد معاك ترمس شاى او قزازتين حاجة ساقعة و كل واشرب معاهم
صاحب الناس فى الأول عشان ياخدوا عليك ويبقا بينكم عشرة
احترم الأرض اللى بتصطاد فيها امشى من على المحدات وبين القنايات
ماتدوسش على الزرع
وصدقنى الناس دول طيبين بجد بيتمر فيهم اى حاجة ولو صغيرة
وابدأ بدايرة صغيرة ووسع دايرة معارفك
وثبت منطقة صيدك
ماتغيرهاش كل شوية
افتخر ببندقيتك جدا وبمسكتك ليها
وخلى خطوتك رجولية
وماتلفش من شارع لو قابلت ناس
بالعكس لو لقيت حد بيبصلك ادخل علية وماتقلقش وارمى السلام
وخلى سلامك برفع الأيد مش صوت وبس
انت انسان مميز بيمارس هواية الملوك والعظماء
انت فارس وتملك سلاح
ولو مصر واجت اى خطر هتكون من البواسل اللى هيحموها
افتخر بنفسك وبما تفعل
انا قضيت جيشى ولا علمونا حاجة فى ضرب النار
لكن مع الصيد اتعلمت كتير
افتخر بنفسك وبهوايتك
اعرف اسامى الناس وسلم عليهم باسمهم لو الناس شافوك بتسلم على حد من القرية وعارفة باسمة هيطمنولك
مفيش مانع توطد علاقتك جامد بحد فيهم وتبادلة بعض الهدايا البسيطة كيسين سكر وباكو شاى
قولة خد يا عم احنا جبنا التموين وانت اكيد لسة
كن اميرا بينهم
عرفهم بنفسك وبانك ابن ناس
لو قدرت تخدمهم فى اى شىء ما تتأخرش
اتمنالك التوفيق من كل قلبى
تحياتى ياقناص