اقتباس:
المشاركة الأصلية كتبت بواسطة thelegnedkiller
معلشي والله يا جماعه بس انا عاوز احكي لاي حد بس انا بالامانه ملقتشي اكتر من الاعضاء هنا برتاح معاهم اكتر
حوار صاحبي الي اتخبط من ناس وهو دلوقتي في المستشفي بقاله 4 شهور
ودلوقتي بقي عنده ضمور في المخ وربنا معاه
المهم : وانا ماشي انا وصاحبي انهرده لاقيت واحد من العيال الي كان معاه ساعه الحدثه بس اول مره كان يظهر من 3 شهور
طبعا انا عملت زي الاسد الي اول مره يشوف فريسه وقمت جاري عليه ورفعت عليه الطبنجه الي معايا
طبعا هيا صوت (بريتا 84) بس الولا افتكرها حي وقمت ضاربه قلمين لحد لما الولا عرف ان الله حق
وقمت مسجله علي موبايلي انه كان معاهم وقالي علي الاسامي الي كانت معاه ساعه الحادثه
بس انا لما سألت واحد صاحبي لسه في الحقوق قالي بله واشرب ميته التسجيل ده
لانه لازم يكون ب اذن نيابه
وكمان ابو الولا ده مستشار قانوني يعني طبعا اي محضر هيتعمل هيتقطع
كوسه بقي 
انا بالامانه عاوز اعرف الي عملته ده صح ولا غلط
ولو غلط اعمل ايه
منتظر اراء الجميع
معلشي هو ده مش موضوع يتكتب بس معلشي استحملوني شويه
واسف علي التطويل |
بسم الله الرحمن الرحيم
اللى حضرتك عملته دا من حبك لصديقك ودا شىء احييك عليه ولكنه قانونا
1- استيقاف مواطن دون مبرر قانونى يبيح ذلك وغير احوال التلبس وهو غير قانونى حتى لو قام به رجل شرطة طالما ان اسم هذا الشخص لم يدرج فى محضر رسمى باتهام صريح وصحيح .
2- تعدى على مواطن بالضرب ودى جنحة .
3-قبض على مواطن دون مبرر قانونى ودون اذن من السلطة القضائية وتحت تهديد السلاح واكراه على انتزاع اعتراف تحت ضغك الاكراه المادى والمعنوى وهذا امر مجرم ودى جناية .
4- لاقيمة لهذا الاعتراف قانونا طالما لم يتم التسجيل بإذن من الجهات القضائية المختصة .
5- تعمل ايه حضرتك تدى لوالد صديقك اسماء اللى اعتدوا على ابنه وصورة اللى انت شوفته وعنوانه ان توصلت اليه وهو اللى يتوجه بتلك المعلومات وليس الفيديو لرئيس المباحث أو لوكيل النائب العام المختص بالتحقيق فى القضية حتى يتم ضبط المعتدين بشكل قانونى صحييح وميفلتوش من العقاب وحق صاحبك يروح
واخيرا ربنا يشفى صديقك ومعلش تمالك اعصابك عند الغضب
وارجو ان اكون افدت حضرتك