رد: فرصه عمل بالعموله
الموضوع بسيط ان شاء الله الشركه اللي بشتغل فيها شركة توريدات عندنل عدة اقسام منها اليكترونيات والقسم دا بيضم اجهزة كمبيوتر لاب توب وديسك توب وشاشات كمبيوتر وتليفزيونات lcd.led وبرنتر وبروجيكتور وسمارت بورد .
مع العلم ان الشركه موزع معتمد لمنتجات توشيبا العربي وبنكيو
طريقة الشغل بتكون عبارة عن انك بتستلم داتا وهي عبارة عن مجموعة بيانات لقطاعات مختلفة والبيانات دي بتبقى اسم القطاع والمسؤل والميل والتليفون وكل اللي عليك بتاخد بروشور للمنتجات دي ع الميل وبتبعتهالهم ع الميل كل يوم بتبعت منتج معين وبتتقسم على مدار الاسبوع بيكونوا 6 مجموعات بس مش اكتر من كده وبنديك ميل بأسم الشركه بتشتغل عليه والعموله بتكون ع الطلبيه بمعنى عندك عميل بعتلك ميل بيسألك عن سعر منتج بتبعتلي ميل وببعتلك السعر ولو العميل موافق بيبعتلك ميل فيه الطلبيه بتاعته مثلا عميل عاوز 10 شاشات تليفزيون بتعمل فورورد للميل لينا وبنبعتلك الميل فيه الاسعار ونسبة العموله بتاعتك في نفس الميل بتكون مثلا 10 قروش وبنعرفهالك قبل البيع وقبل اي شئ وبتاخد عمولتك كل اسبوع يعني عملت طلبيه او 2 أو 10 في نهاية الاسبوع بتتحاسب على عمولاتك ماعملتش طلبيات ودا طبعا شئ وارد عادي جدا بتستمر في ارسال الميل زي ما انت
يعني القصة ارسال الميل دي مش هتاخد منك ساعه كل يوم يعني كويسه جدا للي بيشتغل وعاوز حاجه اضافيه
وفي الاول والاخر الرزق بتاع ربنا ولو في اي استفسارت قولولي عليها وانا هعرفها واكتبها على طول
__________________
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ
|