[tarekabasy]

المشاركة الأصلية كتبت بواسطة fadeel79

السلام عليكم ، ايه يا بنى ده انت فاكر نفسك جزار ، ايه السكاكين دى كلها انت مش متجوز ولا ايه ههههههه.

حبيبى يا طروووووووووق

فكرة جراب من خامات بسيطة فكرة تطلع من عبقرى

وعليكم السلام يا فضيل يا نجم
ههههههههه جزار
فكرتنى بنكتة واحد راح يجوز
ابو العروسة بيقولة بتشتغل اية
قالة دزااااارررررررررر
قال لبنتة جزار يا بنتى موافقة
قالتلة موافقة يابا هنهبر لحمة
اتجوزت
اللحمة مادخلتش البيت شهرين
ابو العروسة بيقولة مش عيب يابنى
تبقى جزار واللحمة ماتتخلش البيت شهرين
قالة دزاااار دزاااااار ببيع دزر هههههههههههه
......
انا بجد بعشق السكاكين جدا
والحمد لله بستخدمهم كويس جدا فى التقطيع
معلش اصل اخوك اتمرمط وهو شاب اوى
كنت وانا فى الكلية بشتغل فى محلات زى اخر ساعة....
ومنها حبيت السكاكين
ومش بس السكاكين
لا
السكاكين الحامية
وعشان كدة بيدعوا عليا فى البيت اوى عشان بسن السكاكين على طوول
وانت عارف اغلب الستات مابيقطعوش على قطاعة
كلهم بيقطعوا على ايديهم على طوول فتلاقى الأبهام اليمين متقطع......

يا باشا انا متجوز واكبر اولادى البرنسيسة اسراء وعندها 14 سنة
ههههههههه انا قديم
وعمرى 40 سنة
بس عشان دايما بضحك واهرج ممكن تفتكرنى سنى صغير
اما لو قصدك على موضة تقطيع الأزواج اللى انتشرت من كام سنة فاماتقلقش اانا مخبى الأكياس ههههههههههههههه

يا باشا ولا عبقرى ولا حاجة.......ههههههه
دى طبيعة الأنسان المصرى
يستفيد من حاجتة بكل السبل الممكنة
وممكن تقول انى اصولى المنوفية بتخلينى استفيد بكل شىء هههههههههههه
تعال اقولك نكتة

سألو واحد بخيل طحن: تعمل ايه لو الدنيا برد؟
قال: أروح للدفاية.
قالو: ولو الدنيا بردت أكتر؟
قال:أقرب من الدفاية.
قالو: ولو بردت أكتر؟
قال: ألزق في الدفاية.
قالو: طب ولو نزل تلج؟
قال: أشغل الدفاية بقى وأمري لله ......ههههههههههههههههه

تحياتى يا فضيل