رحلة العذاب لشراء الذخيرة
السلام عليكم أعضاء منتدانا الكرام
كنت عاوز أوصف ليكم رحلتي أمس في القاهرة لشراء زخيرة من مصنع 27 الحربي
وأنا بصراحة مسميها " رحلة العذاب والضنا "
أولآ :- مافيش أي مشكلة في ختم ظهر تصريح الذخيرة من الأمن العام هما ناس غاية في الإحترام والموضوع أخد خمس دقايق بالضبط ,
ثانيآ :- المشكلة كلها تكمن في الوصول إلى مصنع 27 الحربي لأنه ليه حوالي أربع بوابات وأنا مكنتش عارف أدخل من أي بوابة وبين كل بوابة والتانية حوالي 2كم
المهم الحمدلله وصلت للبوابة بعد عناء طويل لقيت واحد على البوابة أخد مني البطاقة ودخلني جوا مشيت حوالي 1كم للوصول للمبيعات وهناك لقيت في ناس قبلي مستنيين من ساعة ولسة ماجاش دورهم
إنتظرت حوالي ساعة حتى سماع إسمي وأعطوني ورقتين وقالو روح بيها قسم المراجعة
والمفاجأة إن قشم المراجعة في مبنى تاني خالص يبعد حوالي 1,5كم عن المبيعات وبعد الوصول للمراجعة روحت الخزنة عشان أدفع وطبعآ الخزنة في مبنى تالت
وبعد دفع الفلوس في الخزنة رجعت لإدارة المبيعات مرة أخرى في المبنى الأول تاني وبعد عشر دقايق أخدت ورقتين عشان أستلم الذخيرة .
ويا أحبابي إستلام الذخيرة في بقى ؟؟
عند البوابة
روحت عند البوابة وإستلمت الذخيرة بس بأمانة كنت فقدت الأمل إني هاشوف الذخيرة إللي أنا جاي عشانها لدرجة إني كنت عاوز أنزل أبوسها وأقولها وحشتيني قوي
الموضوع دة أخد من الساعة 12 ض وطلعت الساعة 2,15
وحرمت أشترى ذخيرة تاني من المصنع ....
__________________
لا إله إلا أنت سبحانك إني كنت من الظالمين
|