السلام عليكم اخواننا الصيادين
الاسبوع الى فات كنت فى الاسكندرية فى مشوار شغل وكانت معايا عدة الصيد البحرى والبندقية سبتها فى البيت
ولما خلصت الشغل يوم الخميس قلت اكمل هناك اجازة الاسبوع وقعدت يوم الخميس اصطاد على البحر عند الفندق الى كنت نازل فية امام فندق 26 قوات مسلحة الى فى سان استيفانو
المهم ما اصطادتش حاجة والطعم بيطلع زى ما هو ولاقيت الاستاذ الفاضل محمد بدر عضو المنتدى بيكلمنى بيطمن عليا - الله يكرمة - المهم وبيصطادو هناك ببرغوت وطعم اسمعلاوى
المهم قابلت صياد قالى ليك فى التسقيط قولتلة وجب قالى انزل ميامى الصبح واطلع طلعة تسقيط من هناك مع الصيادين المهم سخنت الفكرة فى مخى نزلت الصبح بالعدة واتكلت على الله
رحت على الشاطى فى ميامى لاقيت صيادين كتير هناك مستنين يطلعو جالى واحد وقالى طالع مع مين قلتلة دة اول يوم اطلع قالى تعالى اطلع مع الشباب دول والرحلة ب 30 جنية
كانو شباب كويسين محترمين المهم طلع المركب هو مركب صغير يدوب يشيل 6 افراد وراكب فية موتور
طلع المركب ودخلنا فى عرض البحر فى حماية ربنا وبطنى قلبت مكنتش خايف قد ما دوخت وجالى دوار بحر ورجعت اول ما وصلنا مكان التسقيط
المهم اشتغلنا صيد من الساعه تسعه كويس لحد الساعه 1 وبعد كدة البحر اشتغل فى الغباء والموج على قوى والمركب بقى يتشال ويتهبد مكملناش صيد وخرجنا من المية الساعه 2 تقريبا واثناء خروجنا كنا بنخرج بقوة دفع الموج
الحمد للة على خروجنا بخير اول مرة اجرب الدخول جوة كدة للصيد واول مرة احس ان البحر غبى كدة
بس راح اجرب تانى لما اروح اسكندرية
حبيت اقولكم القصة وبكرة هصور السمك الى طلعتة حوالى 3 كيلو مشكلين اصناف كتير
وهنزلهم على المنتدى
ودى كانت حكاية رحلة الصيد الاولى بحرى ليا
اخوكم احمد فتحى
