كلام جميل جداً
وإسمحولى بعد تأمل فى كلامكم أعمل كوكتيل من كل الكلام الجميل اللى جميعكم قلتوه على كام فكره كمان جت فى دماغى
1- تعارف بين الصايادين: وأستاذ محمود عمل فعلا موضوع وسماه "صيادين القاهره" وأول الغيث قطره باقى المحافظات تكمل وياريت شرح نبذه عن الفكره فى موضوع التعارف عشان الناس تشترك معانا بالأفكار
2- تجميع طلبات الشراء: برضه ممكن يتعمل موضوع متجدد شهري أو ربع سنوي كل ثلاثة أشهر مثلاً "طلبات شراء يناير للقاهره" أو "طلبات شراء يناير وفبراير ومارس للأسكندريه" ويتم برضه شرح الفكره فى رأس الموضوع وهي عمل طلبية شراء كبيره لجميع الأعضاء للحصول على خصم
3- تحديد يوم للشراء: وده غالبا هيكون فى موضوع طلبات الشراء عشان اللي بيطلب يكون عارف حاجته هتيجي امتى
... بس برضه الكثره ليها هيبه)
4- إختيار مكان للشراء: ويستحسن الكل يتقابل مثلا فى يوم محدد و وقت محدد عند المحل اللى هيشترو منه عشان يروحو يشترو سوا وصاحب المحل لما يلاقى الفريق ده داخل عليه هيقلق يغلى السعر ويخاف يطير البيعه والزباين دى كلها (المسكين مستحيل انه يتصور انهم فى الاخر هيشترو علبتين رش بروماتش وياخدوهم بتمن علبه واحده
5- عمل طلعة صيد جماعية: ودي الهدف منها أولاً زيادة التعارف والمتعه بالصيد وتبقى زي رحلة وكمان الناس تتقابل و ياسلام لو الشراء يتم فى نفس يوم رحلة الصيد بحيث ان الكل يكون موجود يخلصو صيد وبدل ما كل واحد يروح على بيته يروحو يجيبو طلباتهم سوا وبعد كده هوم سويت هوم.. وطبعا لو الفكره دى لاقت قبول ممكن تكون اسهل من تجميع الطلبات لانها هتتجمع على الواقع فى المحل
6- طبعا اللى مش هيعرف يروح ممكن يدي الفلوس لأقرب واحد ساكن منه وهوا يجيبلو الحاجه.. بالرغم من ان كل ما الناس تملى المحل كل ما يكون احسن عشان الراجل يحس بإن الموضوع جد والناس دى هتبقى زباين دائمين عندو لا وكمان هيجيبولو صحابهم
7- طبعا يستحسن اللى هيشتري حاجه مهمه يروح معاهم بنفسه
وطبعاً لازم كلكم تعرفو ان اللى عمال يفتى ده (اللى هوا انا) بلا فخر وبلا منازع وبلاش فضايح لسه مجابش بندقيه يصطاد بيها أصلاً وحاجه تكسف.. بس إن شاء الله هجيبها قريب واطلع أصطاد معاكو
وياريت نعمل كوكتيل للأفكارنا كلها (ناخد الحلو من هنا ونحطه على الحلو من هنا) عشان نوصل فى الآخر لفكره منمقه وتتسم فى ذات الوقت بالشموليه
.