طلعة 3 ساعات والحصيلة 11 حمامة و4 يمامات
السلام عليكم ورحمة الله وبركاته
طلعة النهاردة كانت مع محمود جاري وكنت أتمنى عبد الرحمن يكون معايا بس هو اتعدى من أخواته واخدين جدري والحمد لله على كل حال وربنا يشفيهم جميعًا ويعافيهم
خرجنا حوالي الساعة السادسة وضبطنا النيشان وبدأنا الحمد لله بصيد حمامة وقعت بجانبنا والأخرى وقعت جوه المبنى بجانب السور الحديد وكان حجمها كبير ومحمود قالي تعالى نروح مكان آخر ونتركها علشان الوقت ميضعش بس الحمد لله جبنا عصايتين وحاولنا لغاية ما طلعناها واتمشينا وضربنا يمامة كانت فوق شجرة مسافة قريبة واتعلقت وضربناها ثاني ووقعت جوة المدرسة قلنا مفيش نصيب ويمامة برده كانت فوق شجرة وضربناها ووقعت فوق تندة وجريت وراها قطة ووقعت اليمامة عندنا وخدناها وذبحانها وحمامة كانت فوق على إيريال فوق السطوح جوه ضربناها ولفت ووقعت عندنا حصل الموضوع كذا مرة والحمد لله لفينا لفتنا ومحمود قالي رجلي وجعتني علشاب بقالي كتير مخرجتش والحمد لله كانت طلعة كويسة وأترككم مع الصور ودمتم في أمان الله تعالى
|