[gedr007]

من الاخر مالهاش غير سكة الواسطة و النفوذ او التهريب علشان حاجة زي دي تدخل كمثال يكون حد معرفة بيشتغل في الخارجية و يشتريهملك من بره و يدخلهملك في شنط ديبلوماسي او عضو مجلس شعب او....الخ
اما علشان تدخل شرعي و اللي مايشتري يتفرج انسى يمكن في بلاد تانية لكن مش هنا
و بصراحة عندهم حق لان اكتر من 90% من الشعب لو شال سلاح ما بيقدرش يسيطر عليه و لكن اللي بيحصل العكس و بيقع هو تحت سيطرت السلاح....يا راجل ده لو عيل ابن امبارح شال مطوة في جيبه بيمشي في الشارع حاسس انه رامبو و بيجر في شكل الناس من غير مناسبة و فجأة بتختفي من اخلاقه كل اشارات و علامات الادب
مع العلم ان فيه دول تانية فيها حمل السلاح شئ عادي يعني مثلا في دول الخليج السلاح الابيض بكل انواعه غير مجرم بل بيعتبر مثلا الخنجر من تمام الملابس و الزينة و مستحيل في اليمن تلاقي راجل ماشي من غير خنجره عندهم كأنه ماشي من غير هدوم
و في دول اجنبية و على راسها امريكا الدستور بيكفل حق حمل السلاح للمواطن بشرط تنطبق عليه شروط معينة يعني من حقه يدخل اي محل سلاح و يشتري مسدس او بندقية او اللي يعجبه و بدون ترخيص كل ما هنالك ان البياع في المحل بيسجل السلاح برقمه المسلسل على اسمه و خلاص و دي ممكن تشوفها في مليون فيلم امريكاني