رد: مثلث برموده من الكتاب والسنه والسلف الصالح
استاذ افوكاتو تحياتى و تقديرى لشخصكم و مجهودكم الرائع - دايما منورنا بمواضيعك - اللى لفت نظرى فى موضوعك هذا الرواية بشكل عام انا سمعت عنها كتير فى قصص الاسرائليات هما بيحاولوا ان يجسدو او يخيلوا الاحداث قديما عشان يبنوا عليها افكار جديدة و بما ان الاحداث قديمة جدا طبعا و تتزامن مع بدء الخليقة فلا يوجد حد يراجع لهم او عليهم -( 1- حكاية ابليس اختبأ فى حية و دخل الجنة ) الاحاديث الشريفة او اى مصادر اسلامية لم تذكر اى تنويهات او تلميحات عن انه يوجد كائنات اخرى فى الجنة ليختبئ بها ابليس - ولو عندك حديث شريف او قدسى يشير الى ذلك ياريت تقولينا عليه بالنص - (2- والحية هى التى اغوت امنا حواء) حكاية الحية التى اغوت امنا حواء بيقولوا كده عشان يقولوا اسمها حواء مقتبس من الحية ويقنعوا الناس بكده ويبنوا عليها اساطير - فى القرآن الكريم ذكر ان ابليس اغواهم بدون تحديد لأى منهم ( 3- حرب الملائكة و الجن على الارض) بصراحة اول مرة اسمع عن كده ربنا قادر على كل شئ لو كانوا فعلا موجودين بالطريقة دى ربنا قادر يمحوهم وحكاية ان فى افراد من الجن هربوا فى مكان بعيد عن البشر !! هى الملائكة مش قادرة تشوفهم ولا هربوا منهم - كيف تكون الملائكة جنود الله ومسومين من قبل الله سبحانه و تعالى و يهرب منهم احد !!!!!!!! - معركة خيالية .( 4- حراسة الملائكة للجنة) استغربت قوى على حراسة الجنة - هى الجنة محتاجة حراسة وكما بيتسلل لها كائنات داخل كائنات زى ابليس اللى اختبأ فى حية !!! يبقوا ملائكة ضعاف مش قد الحراسة امر غير منطقى بالمرة - يعنى يمكن اختراقهم طبع شئ صعب تصديقه . (5- وهى الملحوظة الاهم تكرار كلمة الرب) طبعا واضح من الكتابات و المصادر انهم بيستخدموا كلمة الرب ولا حتى استخدموا كلمة الاله -
بصراحة الاجيال القديمة و الحديثة من الديانات الاخرى معزورين لما يتكتب كده فى كتبهم التى يتعبدوا بها او الشارحة لأفكارهم من كهنة يحاولوا اضفاء صبغة الحقيقة على احداث لم تكن معروفة اى معلومات عنها بالتفصيل لكن هما حطوا تفاصيل من خيالهم - نسأل الله السلامة من افكارهم الخوف تأثر فى اجيالنا الحاليه و يصدقوها - تقبل تحياتى و نشكرك جدا على مجهودك
|