الف شكر ليكم على التفاعل والافادة
يا استاذ بدر فى اختلاف فى الفك والتركيب بين البريتا والايكول
البريتا الصوت نفس البريتا الحي فى فكه وتركيبه ما عدا شيء واحد
الماسورة فيها ثقبين واحد على اليمين والتاني على الشمال بيدخل فيهم مسمارين صغيرين
اعتقد ان المسمارين فايدتهم تثبيت الماسورة
بس من غيرهم بقدر افكه واركبه عادي جدا زى المسدس الحي
بس خايف استعمله من غيرهم يحصل حاجه للمسدس من قوة ارتداده لانها قوية جدا
دلوقتى انا بعمل زى الفيديو الى بيشرح طريقة فك المسدس الحي
ببدأ معاه خطوة بخطوة بس بقف عند سحب الاجزاء والماسورة للخارج
فى حاجه بتمنع الماسورة انها تخرج
وبعد محاولات عديدة قدرت انى اخرج الاجزاء لوحدها
بعد كده فضلت احاول مع الماسورة انها تخرج
لا يمكن
لحد ما لاقيت الثقبين دول
جبت مفك صغير ودخلته فى الثقب الاول وضغطت عليه لحد ما دفع المسمار للداخل
وعملت نفس الحركة فى الثقب التاني
سحبت الماسورة فطلعت معايا والمسمارين دول لما بضغط عليهم بيدخلوا جوه مجري فى الماسورة على الجانبين
فكل المشكلة فى المسمارين دول
لو ركبتهم ماقدرش ادخل الاجزاء لان الماسورة بتكون موجودة فى المكان الى الاجزاء هتنزل فيه
ولو شيلتهم بركبه عادي وبدون مشاكل
بس كل حاجه وليها فايدة وخايف ده يأثر على المسدس لان قوة ارتداده قوية جدا
فما العمل!!
طبعا الاجزاء مش بتخرج زى معظم المسدسات انى اشدها وارفعها
انا ركبته من غير سوستة الاجزاء وركب معايا وانا مثبت الماسورة بالمسمارين
بس ده لانى بقدر ادفع الماسورة للامام عشان الاجزاء تنزل
لو ركبت المسمارين وسوستة الاجزاء فالاجزاء مش بتنزل فى مكانها لان الماسورة موجودة
فلازم ادفع الماسورة للامام وده مش هينفع لان سوستة الاجزاء بتمنعها لانى عايز ارجع الاجزاء للخلف وده بيشد السوستة للخلف وفى نفس الوقت لازم ادفع الماسورة لقدام عشان الاجزاء تنزل فى مكانها فالماسورة بتدفع سوستة الاجزاء لقدام
حاولت اعملها بس مستحيلة
فى انتظار افادتكم