اقتباس:
المشاركة الأصلية كتبت بواسطة نسر مصر
للبيع البندقيه الدقيقه والانيقه كرال ماجنوم رقم 2 .دبشك فيبر ممتاز بشكل انسيابى جميل البندقيه مجهزه بامان من الاسفل اوتوماتيك نشانات فسفورى دقيقه جدااا ومظبوطه على الصيد *ملحوظه*البندقيه حالتها ممتازه خارج زيرو طلعت للتجربه وظبط النشان البندقيه بالكرتونه والكيس الاصلى بتاع بلادها والسعر ولا فى الاحلام 1350 جنيه مصرى فقط لاغير للتواصل ت/01276017172
|
ههههههههه يا جدعان
والنبى ماتفكرونى بصباح
فاكر اغنية كلام كلام كلام بس مابخدش منك غير كلام
بص يا نسر
الكلام المعبر والوصف الدقيق والغير متحيز من جانب البائع بينجح عملية الشراء...........
الأنيقة.......؟؟؟ مين دى اللى انيقة
الدقيقة.......؟؟؟ هى مين دى اللى دقيقة
دبشك فايبر ممتاز.........؟؟؟بجد...دا اغلب الناس بيكسر منها من عند المسامير
البندقية مجهزة بامان.........؟؟ مجهزة...بلاش تفخيم كل الكرال كدة
نشانات فسفورية دقيقة جدا..........؟؟ يا راجل دا افظع مشكلة فى الكرل ان النشان الخلفى بيتحرك
مظبوطة على الصيد......؟ ازاى وهى لا غيرت لا سوستة ولا حدافة ولا جلبة؟؟؟
الكيس الأصلى بتاع بلادها......؟ههههه يا راجل فية حاجة اسمها الكيس الأصلى حسستنى ان الكيس جزء من اجزاى البندقية
السعر ولا فى الأحلام...........؟ ماعتقدش طبعا...وممكن اى حد من تجار المنتدى يكلمك فى السعر
بصراحة يا نسر وصفك للبضاعة مأأأأأفور قوى
خلى وصفك بسيط معبر
كرال دبشك فايبر اسود كسر زيرو ماكملتش علبة رش بالكرتونة وبحالتها لا يوجد كسور او شروخ او تجاريح
لم تفك ولم يتم بها اى تعديل...خرجت للصيد مرة واحدة
يعنى يكون الكلام بسيط ومش مبالغ فية لأن كدا الناس ممكن تحس انك بتبيع كلام
طبعا هتزعل منى قوى دلوقتى
معلش بقا انت نفسك زعلت لما روحت تشترى وعلى حد وصفك لم يتطابق الكلام مع الحقيقة
يووووووة فكرتنى يا شيخ بكلام الأخوان هههههههههههههه
تحياتى يابو النسور