[كابتن محمود دياب]

انا سعيد جدا بفكرك وبمعلوماتك القيمة
لكن انا عايز اعرف هانروح على فين مافيش اى بشاير للتقدم
وان مش بهاجم شخص بعينه انا ناقم على حال البلد ونفسى بلدنا تتغير

يامصر حرام نفسى اخد حقى
نفسى اتعامل كويس كانسان
نفسى لما احط راسى عالمخدة انام
نفسى فى عيش فى حرية فى عدالة اجتماعية
نفسى اعيش فى النور نفسى ماتتقطعش الميه
نفسى الاقى كرامتنا المتهانة
نفسى ناكل اللقمة من غير اهانة
نفسى مانقولش احنا كونا وكنا وكنا
نفسى ننسى الماضى ونعيش احرار فى زمنا
ليه يامصر دم ولادك بقى رخيص
ليه يامصر مبقاش معايا تمن قميص
ليه وانا صغير يجيلى السكر والضغط
وفى غيرى مايستهلش غرقان فى الوز والبط
ليه فى كل بلد بره بيبصولى على انى خدام
ليه برجع لورا ومش عارف امشى خطوة قدام
يامصر انا ابنك مش غريب عليكى
يا مصر كان نفسى تشيلينى فى ع***ى
ولو ماخدتش حقى فيكى هاسيبك واهاجر
ولو كرامتى مارجعتش لاى حتة هسافر
وهنساكى وهنسى انك بلدى وامى
بس ازاى انساكى وانتى عايشة فى دمى