[elmasrey123]

أوعى تفكر .. أنك أكبر .. من شعب بيكتر .... على قولة أه ::
أوعى تزمر .. على شعب أتزمر .... من كتر وعود كدب يا ولداه ::
أوعى تقف فى وش القطر .... لما فرامله تسيب ... جواه ::
أوعى تكون فاكر ياحبيبى .. إنها عزبة .... جاتلك من ملايين بباه ::

أوعى ياشاطر .... وأستر نفسك يا عريان ::
أوعى يا صفوت .... ولا بديعك .... المتغطى بكل جبان ::

أوعى يا سعد .. كفياكوا تجاره بإسم الدين ::
أوعى يا مرسى .. وسيب الكرسى ..وقوم ياحزين ::
ضحكوا عليك .... حطو إيديك .... تحت المقصله وراحوا طايريين ::

هى عادتهم .. ولا شرواها .... طب إفتكروها .. من أيام البنا لاقوها ::

قوم يا عبيط .. وألحق نفسك .... أعمل مره حاجه بنفسك ::
أفهم مرة بقا يا حزين .... المتغطى بمين على مين ::
مرة دخلت السجن تخابر ... يعنى جاسوس ::
هى جماعتك .. كبش فداهم إلا البوص ؟::

سعدك حظك وهربت فى ثوره ... بالعقل أخلع بقى ياجموس ::

سيبها وأرحل على رجليك .. قبل ما تمشى على نقاله ::
سجن الثوره حكم أكيد.. لا منه هروب .. ولا حتى كفاله::
لاتقولى حماس ولا الإخوان ....دا إحنا ولاد مصر الرحاله ::

مش هنسيبك تانى تدير ....بالمعلقه تسقينا الويل ::
ويا جمعتك ..تخدوا حقوقنا . وتجروا... وأحنا نقف فى الديل ::

أوعى تفكر .. أنك أكبر .. من شعب بيكتر .... على قولة أه ::
أوعى تزمر .. على شعب أتزمر .... من كتر وعود كدب يا ولداه ::
أوعى تقف فى وش القطر .... لما فرامله تسيب ... جواه ::
أوعى تكون فاكر ياحبيبى .. إنها عزبة .... جاتلك من ملايين بباه ::