اقتباس:
المشاركة الأصلية كتبت بواسطة hima
بصوا يا جماعة احنا الحمد لله عندنا جيش من اقوى جيوش العالم
انا شوفت صور الفرقة 777 وعجبتنى اوى واو بس حسيت انى بتفرج على نسخة طبق الاصل من swat
انتم مش شايفين ان ده تقليد 100% للخارج حتى الزى والمعدات والشكل العام والنمط
احنا امتى بقا ربنا يوفقنا ونبعد ونستقل عن الغرب ويكون لينا نمطنا واسلوبنا الخاص بينا
ملحوظة انا مابقللش من قدر القوات المسلحة بس نفسى مصر تبقى احسن عشان عمرنا ما هنتقدم طول ما احنا بنقلد لازم نبتكر
|
استاذى الفاضل هستاذن حضرتك اديلك معلومة لو تسمحلى
فكرة التسليح والزى والمعدات دى تقريبا بتلاقيها شبه موحدة فى الدول المتقدمة عسكريا زى مصر وامريكا وروسيا وبريطانيا وفرنسا واسرائيل لان بيبقى فى تسليح على اعلى مستوى فمينفعش عشان اكون مميز استعمل اسلحة قديمة دى حاجة
اما الزى فده بيتحدد على اساس البيئة اللى بيتوااجد فيها الفرد المقاتل حتى الجيش الامريكى قواته اللى فى العراق مش زى اللى فى مناطق غابات مش زى اللى فى صحارى الى اخره
وبعدين احب اقول للناس كلها ان الجندى اللى قال عليه سيدنا محمد عليه الصلاة والسلام خير اجناد الارض وهو ( ما ينطق عن الهوى * ان هو الا وحى يوحى ) لا يحتاج ولا زى ولا تسليح ولا اى حاجة لان قوة المقاتل المصرى الحقيقية هى ايمانه وعقيدته ( لكن احنا بناخد بالاسباب ) عشان كده برغم ان امريكا بتحاول دايما تضمن التفوق العسكرى لاسرائيل على دول الشرق الاوسط وده اللى مخلى اسرائيل طايحة ومحدش عارف يلمها وبرغم كده مفكرتش تهاجم مصر لانها جربت المقاتل المصرى الحقيقى فى حرب 73 اللى ما زالت تدرس فى جميع الاكاديميات والمعاهد العسكرية منذ اكثر من 30 عام وحتى الان
اخر حاجة عشان انا الحماس اخدنى فى معاهدات عسكرية بين الدول المتقدمة عسكريا تتضمن القيام بتدريبات ومناورات مشتركة للتدريب عل احث برمج القتال ورفع ليقة المقاتل واخر واحدة سمعت عنها كانت قوات المظلات بتتدرب فى الفيوم مع المظلات الامريكية على القفز من 4000متر ودون الدخول فى تفاصيل نجح المقاتل المصرى وفشل الامريكى
وشكرا لاحتمالكم لكل هذا (( الرغى )))