[المشير]

المشاركة الأصلية كتبت بواسطة لواء دكتور شادن نصير

الحل الان يتلخص في الاتي :
اولا = متابعة تصرفات النيابه في المحضر من خلال سكرتير النيابه و رقم المحضر و معرفه هل حفظت النيابه المحضر و صادرت المسدس ؟ و هنا مفيش حل
ام حفظت المحضر و قررت تسليم المسدس لمالكه من خلال تحريات المباحث ؟ هنا تجيب فاتورة مضروبه باسم صديق او اخوك اللي معاة بطاقه و يروح النيابه يقول انه ملكي و مفيش عليه مسؤوليه لانه هايقول كان مديهولك للفرجه مش للخروج به
ثانيا = ام ان المحضر هاينزل جلسه؟ يعني تعاملك مع المحكمه مش النيابه و هنا لا تنزعج ممكن تطلع براءة او بالكتير لو القاضي رخم تغرمك المحكمه غرامه بسيطه و بالنسبه للمسدس تشوف حكم المحكمه هل مصادرة ام ايداع بمخزن النيابه لحين معرفه مالكه و هنا تتبع نفس خطوات النقطه السابقه
ملحوظه : تحويل المحضر للمحكمه غالبا ما بيحصلش الا لو المسدس مفتوح و هذا نادر
ملحوظه تانيه : ساعات قرار النيابه او حكم المحكمه بيكون اعدام المسدس و هنا يقوم الضابط بعمل محضر اعدام صوري و بالهنا و الشفا المسدس لسيادته او لوكيل النيابه
ملحوظه تالته : في الغالب انت هاتنسي الموضوع كله بعد فترة لكن ممكن تنساه و تلاقي مندوب تنفيذ الاحكام جايلك البيت بعد نص الليل و ياخدك القسم عشان تنفذ حكم المحكمه سواء غرامه او حبس حسب مزاج القاضي برضه
انا مش باخوفك لكن عاوزك تتابع في النيابه انه تم الحفظ خلاص و ممكن تظبط سكرتير النيابه بشياكه بس اوعي تظبطه بطريقه بايخه يعمل عليك شريف و تلبس رشوه مع السلاح ساعتها ما اعرفكش

شكرا ليك يا سعت الباشا باين عليك راجل محترم جدا وفاهم ولك كل تقديرى واحترامى وسكرتير النيابة طلع عارف اخويا وانشاء اللة بكرة اعرف منو كل شىء وانا عملت شكوة اليوم على موقع وزارة الداخلية وعرفتهم انو المسدس صوت والظابط اللى فى المعمل الجنائى اثبت انو صوت وقالى انت هتطلع ومعاك المسدس بس بعد انتظار 4 سعات كتبلى مزكرة وحولنى للقسم ثم االنيابة واللى خلانى اعمل شكوة انى حرام يتعملى قضية واتسجل واتصور بسبب مسدس صوت وسايبين البلطجية معاهم الالى والكلاشنكوف ومسدستهم الميرى وساينهم وعهارفينهم واحد واحد المهم وزارة الداخلية طلبت منى مقابلة لسمع الشكوة منى والتاكد منها ورقم المحضر واسم الظابط والظابط اللى اتصل بية قالى معقول اتعملك قضية بسبب مسدس صوت استغرب زى ما وكيل النيابة اللى اتعرض علية لااخلاء سبيلى استغرب وقالى قول ان المسدس بتاعك ومتخفشى علشان اثبت فى المحضر انك تستلمو بس بصراحة قلقت وقولتلو مش بتاعى وربنا يستر