اقتباس:
المشاركة الأصلية كتبت بواسطة asd69asd
نعم متعدل لخروج الرشاية فقط من الماسورة لكن الطلقة بتعته هى هية وحضرتك بتتكلم على السعر وعندك المسدس الرش بالغاز بيتباع فوق 1000 واصلا ما يسوى 50 جنية لان الانبوبة لما تنقص شوية الرشاية لا تخرج ال 2 متر وفى اوقات لاتخرج خالص ولو حضرتك جبت واحد جديد زيرو بالغاز وقلت بدل معاية عمرى ما هوافق لان عارف مسدسى عامل ازاى الرشاية بتخرج كانها مقذوف رصاصة
ملحوظة طبعا اكيد حد هيعلق على موضوع ان المسدس متعدل وخطر المسدس الصوت يكون خطر لو متعدل لطلقة حقيقية لانها لا تعادل قوة طلقة الصوت الطلقة الحقيقية بتكون اقوى وتعمل مشكلة فى بيت النار لكن ده الطلقة الصوت بتعته هى هية مجرد خروج الرشاية من الماسورة فقط
|
يا حبيب قلبي...يا عيني على التحليل والتبرير...يعني أنا راضي بزمتك...بالله عليك لو لا قدر الله إتمسكت بيه وطبعا ها يكون ظاهر التعديل إللي فيه وتجويف الماسورة...هل تعتقد وتفتكر إن إللي بيحقق معاك ويستجوبك هايكون بهذه السذاجة والطيابة...بالطبع سيكون على يقين من سوء النية ولن يفترض أبدا حسن النية...حتى لو قلت له إنك عامل كده علشان تصطاد عصافير...دي فيها حبس يا أستاذي الفاضل...مجرد اللعب في الماسورة وتجويفها حولته لسلاح ناري...ناقص إيه بقي؟...بارود ومقذوف!...وهو السلاح الناري عبارة عن إيه!...وهي البندقية الخرطوش عبارة عن إيه؟!...ماسورة وخرطوشة فيها بارود وخردق ( بلي حديد )...أهي دي الأفكار إللي تودي صاحبها في داهية...والمصيبة إن الشيطان يزينلك الموضوع ويبسطه ويعمللك البحر طحينة...ويضيع مستقبلك أونطة وفي لحظة تلاقي الدنيا إسودت أمامك وبقيت من أصحاب السوابق والكل يرفض يشغلك عنده...علشان صاحب سوابق...يا ريت الناس طيبة وساذجة زي ما إنت ما بتفتكر كده ويصدقوك...عموما إحنا بننصح وبنوضح وبنحذر وكل واحد حر في إختياره وتصرفاته...وبالطبع يتحمل تبعات ونتيجة أفعاله...ولا يلومن إلا نفسه...وبالمناسبة هذه المسدسات رخيصة ولا تساوى أكثر من 120- 150 جنيه...ومصنوعة من الحديد الزهر...ومرطرطة في محلات الأسلحة...خالص تحياتي...