رد: لتوضيح موقف امريكا من وقف تسليم باقي دفعات الاف16 هو موقف مؤقت ولن يطول
بالنسبة لأمريكا والإف 16 بإختصار ..
أولاً للناس الي بتسأل هو اشمعنا الإف 16 يا أدمن الي بناخدها من أمريكا ؟!
- أمريكا عمرها ما هتعاملك زي إسرائيل وتديك اف 15 واف 35 وامرام وغيره من الأسلحة المتطورة وكدة كدة انت ليك معونة غير مشروطة كل عام تساوي 1.3 مليار دولار لإستمرار عملية السلام بينا وبين إسرائيل يعني انت مش بتشحت ولا بتاخد صدقة .
طب إشمعنا الإف 16 بالذات؟
هي مش قصة الإف 16 بالتحديد ولكن انت حالياً عندك اسطول ضخم من طائرات الإف 16 (240 مقاتلة) وكلهم مطورين لأبعد مدي مع تركيا والصين وبننتج أكتر من 300 قطعة من قطع غيارها وتم تغيير حاسوب الطائرة بالكامل بالتعاون مع التركية وتثبيت أجهزة تعارف iff مصرية الصنع لتعريف طائرات الناتو كعدو وليس صديق وتم تعويض الإمرام وسد الفجوة بالتعاون مع الصين يعني من الأخر انت سيد قرارك علي الإف 16 الي عندك بالكامل وأصبح عندك اسطول رهيب للقصف الأرضي العميق , والموضوع مش منطبق ع الإف 16 بس ولكن علي أسلحة تانية زي الإبرامز والهاربون وغيرهم من الأسلحة الموجودة في الترسانة المصرية والي تم تفكيككها وصيانتها بعناية في التأمين الفني للقوات المسلحة وملحوظة مصر مش ماضية علي اتفاقية حماية التكنولوجيا الأمريكية واختراقتها أكتر من 6 مرات في 3 سنين متتالية .
طيب يا أدمن هو الجيش ليه بينتقد تأخر تسليم باقي دفعات الإف 16 منقطع المعونة ونروح لروسيا !!!
- بص يا سيدي أول هام إن المعونة مش هتتقطع ولا بالطبل البلدي لأني بمنتهي البساطة باخد تكنولوجيا حديثة , ببلاش وبعدل وأحط عليها التطويرات الخاصة بيا دي حاجة , تاني هام الجيش بيدي فرصة أخيرة للأمريكان لإكمال توريد باقي الدفعات عشان ميبقاش فيه ملامة اما نروح نتعاقد بكرة الصبح علي السوخوي والميج من روسيا دي حاجة تانية , الحاجة التالتة والأهم ان الضغوطات والتصعديات زادت الأسبوع دا علي الخارجية الأمريكية ومن المقرر الأسبوع دا الرئيس الروسي هيزور مصر لتوقيع صفقات تسليح ضخمة وأعلنها صريحة بتمويل سعودي في نفس الوقت الي اللواء سامح سيف اليزل رئيس مكتب البحوث الإستراتيجية والسياسية للدولة أعلن ان فيه صفقات تمت بين مصر وروسيا في الـ 3 سنين الأخيرة وانه من المحتمل ضم النظام الدفاعي اس 300 وطائرات ميج .
أول إمبارح في حلقة تلفزيونية علي الـ cnn سيناتور بمجلس الشيوخ الأمريكي قال بالنص : إذ لما نسارع بتسليم مصر طائرات الإف 16 سنجد أنفسنا أمام الميج 29 الروسية .
في الأول والأخر هتتسلم باقي دفعاتك عادي من الإف 16 وعليهم بوسة ومع ذلك هتوقع عقود تصنيع وصفقات مع الجانب الروسي وكلها هتكون معلنة ومعلن عن تاريخ دخولها الخدمة لأنها هتتزامن مع دخول الإف 35 لسلاح الجو الصهيوني .
__________________
يا أيــهُا الرآجونْ مِنْهُ شَفاعَة , صَلوا عَليه وسَلموا تسَليمْـــــــا
|