رد: ازاى تحمى بيتك من الاحداث والفوضى الحالية؟
اقتباس:
المشاركة الأصلية كتبت بواسطة illustrator
بسم الله الرحمن الرحيم
الاخ الكريم
بعد الاستعانه بالله فالله خير حافظ وهو ارحم الراحمين
شوف يا سيدى
من ايام ثورة 25 يناير وكان لازم كل الناس تركب باب حديد وده على حسب المنطقه السكنيه وظروفها
انا عن نفسى فى مدينه 6 اكتوبر وطبع الدنيا مريحه وعامل الامن مش متوفر قوى انما المناطق المكتظه بالسكان والشعبيه الناس هناك مع بعض وعارفين بعض وصعب يحصل اختراق ههههههههه
علشان كده الباب الحديد مهم فى المناطق النائيه
مع اضافه بعض الترابيس 3 او 4 مش مهم على الباب الخشب
فى حاله اقتحام الباب الحديد واثناء حدوث ذلك يبقى لازم تكون جاهز بمله السرير الخشب ودى هتثبتها خلف الباب الخشب وتمسمرها فى الحلق بمسامير سن صاج طبعا الموضوع مجهد بس انتى بتحمى نفسك طيب لو حسيت ان فيه احتماليه اقتحام الباب والمله هتعمل كالاتى هتكون مجهز دولاب صغير ويا سلام لو تضحى بالتلاجه وتحطها خلف الباب وفيها ميزة انها تقيله والميزة التانيه انها صاج وممكن تمنع من اختراق الرصاص وطبعا هتكون حاطط فيها لحمه وفراخ ههههههه
وبعد كل ده لو حسيت ان فيه محاوله اقتحام يبقى تكون مجهز حبل كويس وتربط فيه العيال لو انت عندك اولاد وتنططهم من الشباك طبعا ده لو حضرتك فى الطابق التانى انما لو دور مرتفع ممكن تتفق مع جارك انك تنزلهم عنده فى البلكونه وبعدين تنزل وراهم بعد اخفاء الاشياء الثمينه فى صفيحه الزباله بعد وضعها فى كيس طبعا
وطبعا هتنزل على جارك تشرب معاه الشاى لحد ما الحراميه يتأكدو ان مفيش حاجه تتسرق ويمشو وتكون متابعهم من بلكونه جارك وبعدين ترجع بيتك معزز مكرم وتدخل تنام
تحياتى
طبعا هذا الاجراء فى حاله ان البلطجى او الحرامى خلف الباب انما لو جاى فى الطريق فى اول الشارع هناك اجراء تانى متبع هقولك عليه لاحقا
|
كلام حضرتك جميل جدا .. متشوق اسمع الباقى
__________________
1- لا تتحدث عن قوتك أمام ضعيف
2- لا تتحدث عن سعادتك أمام تعيس
3- لا تتحدث عن حريتك أمام سجين
4- لا تتحدث عن أولادك أمام عقيم
5- لا تتحدث عن والدك أمام يتيم..فجراحهم لا تحتمل المزيد..
6- زِن كلامك في كل أمور حياتك واجعل مراعاة شعور الآخرين جزءاً من شخصيتك..حتى لا يأتي يوم تجدك فيه وحيداً مع جُرحك .!
7- لا ترقص على جراح الآخرين ... كي لا يأتي يوم تجد فيه من يرقص على جرحك..
8- كن في الحياة كعابر سبيل واترك وراءك كل أثر جميل فما نحن في الدنيا الا ضيوف وما على الضيف سوى الرحيل..
|