[ادم عبد ربه]

السادة/ كل من شارك فى الموضوع
مع تحياتى اولا بدر باشا عارف انا مين المهم احب اوضح لحضارتكم حاجة اولا الموضوع ده معروف من فترة مش كبيرة والطلق اللى بالبلى بيتباع مع المسدس وموجود المهم ان اى واحد معاه المسدس دخل فى مواجهة على الاقل مع عدد3 افراد الله اعلم مسلحين بايه اولا فى وسط الموقف اكيد الواحد مش بيبقى مركز جيدا انه يسحب الاجزاء بشكل جيد كل مرة وسريعا اى انه سيقوم بعمل الاجزاء لانه ممكن الطلق تتحشر فى الماسورة وطبعا الخصم مش هيستنى ثانيا المسدس لازم يبقى نضيف ومتزيت بشكل جيد علشان الكربون والبارود ثالثا الطلقة لو اضربت فى الوجه اقل اصابة عاهة لانها اقوى من الرش رقم اتنين وطبعا ممكن تؤدى الى وفاة فكر لو احد من الاولاد لعب بالمسدس
المهم المسدس تجربته على برميل فاضى من على بعد 3 متر اختراق من الجهتين
وعلى باب محل صاج طبعا اختراق وبدر ممكن يقول على تجربته على حالة البلد هيستريا لدرجة انا شفت واحد بيشترى الى صوت من عند السجلابى شبيه بالعوزى الاسرائيلى ودفع 6000
الغريب انه كان بيشترى طلقات كان بيفاصل المهم انا بشكركم جميعا وانا نفسى كان امامى المسدس ده ومرضتش اشتريه لانه بحساباتى لو الواحد فى موقف مش هينفعة واكبردليل ان ممكن الواحد يبقى معاه مسدس حى والخصوم كتير وميقدرش يعمل حاجة وكمان السلاح يتاخد منه واللى مش مصدق يقراء جريدة المصرى اليوم بتاعة يوم الاحد ويشوف مشكلة الضابط اللى كان رايح يزور والده فى مساكن الامل وطلعو عليه 4 افراد وضربوه واخدو فلوسه ومحفظته وكمان مسدسه الميرى وعلى فكرة ده ضابط امن دولة يعنى ضابط متمرس مش ضابط صغير خبرته ضعيفة صدقونى فى الموقف الامور لها حسابتها وتقبلوا مرورى مع جزيل شكرى وتحياتى
وسلام خاص لبلدياتى