اقتباس:
المشاركة الأصلية كتبت بواسطة ahmed_aly
سعر ممتاز بالنسبة لآمكانيات السكوب بس ياريت تقول بلد الصناعة ايه
|
استاذ احمد بعد التحية.
العلبة المكتوب عليها Riflescope فى الغالب %99 صناعة صينى.
مع العلم ان التليسكوبات الصينى مستوى الجودة فيها درجات يعنى مش شرط انه صناعة صينى يبقى مستوى الصناعة بتاعته سيئ. انا شارى تليسكوب بوشنال من انجلترا ممتاز لأنه مطابق للمواصفات الاوربية وبيتم فحص جميع السلع المستوردة فى موانى بريطانيا قبل دخولها ولو غير مطابقة للمواصفات بيمنعوا دخول الشحنة او بيتم اعدامها.
توجد شركات عالمية كثيرة بيتم انتاج سلعتها فى الصين للتقليل من التكلفة خاصة تكلفة العمالة وبتكون مطابقة للمواصفات بتاعة الشركة بل وبيستخدم نفس الخامات فى التصنيع زى اوروبا.
وفى نفس الوقت فيه سلع مقلدة كثيرة وخاماتها بتكون تعبانة زى السلع اللى احنا بنستوردها فى مصر من الصين.
وفى العموم التليسكوبات الموجودة فى مصر كلها تعتبر من التليسكوبات الرخيصة بغض النظر عن مكان الصناعة ودرجات الجودة بينهم.
لو حضرتك مثلا بحثت فى جوجل على Leupold VX-3 6.5-20x40mm EFR Target هتعرف انا أقصد ايه لما تشوف تليسكوب عادى للبنادق ثمنه يتعدى ال7000 جنيه فى بلده.
وده بالضبط زى الفرق بين المرسيدس والفيات.
أسف على الاطالة وتحياتى للجميع.