المارسمان يقهر الجميع بالمستندات
بسم الله الرحمن الرحيم
مساء العسل على جميع قناصين مصر
حيس انى عندى حوالى عشر انواع رش حاليا
وكل ماجى اخرج للصيد احتار اخد معايا انهو نوع معايا للصيد
النهارده قلت لنفسى تعالى نعمل اختبار لجميع الانواع اللى عندى
عشان اقدر احدد انهو نوع منهم متزن وكويس للصيد
الرش الموجود عندى
جامو هانتر
جامو ماجنوم
جامو ماتش
ديابلو بوينتد
ديابلو هوميرتس
ديابلو بوكسير
كروسمان
ايلكو
مارسمان
هدف مان
دى صوره للمجموعه
البندقيه جامو رويال
وسميت وعملت لوحه عليها عشر دواير
الدايره فى حجم غطاء زجاجة الكولا ( فى حجم الجنيه المعدن )
الضرب كان اوبن سايت
المسافه حوالى 15 متر
وضربت من كل نوع خمس رشات فى كل دايره بعد ظبط البندقيه على كل نوع رش على حده
وبصراحه المارسمان فجأنى بالنتيجه بتاعته وسط العمالقه دول كلهم
ومن وجهة نظرى دى تقييماتى لجميع الانواع
المارسمان دقة الاصابه 99%100
الخمس رشات فوق بعض فى نصف الدايره
الكروسمان دقة الاصابه 98%100
الخمس رشات بالداخل وملتصقين
ديابلو بوينتد دقة الاصابه 95%100الخمس رشات بالداخل
الجامو ماجنوم دقة الاصابه 93%100
الخمس رشات بالداخل
الجامو هانتر دقة الاصابه 92%100
الخمسه جوه الدايره
الهدف مان دقة الاصابه 90%100
الخمسه جوه الدايره
جامو ماتش دقة الاصابه 88%100
اربعه جوه الدايره وواحده بره
ديابلو المانى دقة الاصابه 86%100
اربعه بالداخل وواحده بالخارج
elko دقة الاصابه 84%100
تلاته جوه واتنين على الحروف
بوكسير اسوأ تقدير 46%100
اتنين جوه والباقى بالخارج
مع الوضع فى الاعتبار ان الهدف مان بتاعة المه دى شكلها نضيف شويه غير اللى فى السوق
والبوكسير شكلو رهيييييب اوى
لكن شكل وبس
انما فى التشكيل استاذ
ههههههههههههههههههه
ودى كانت تقييماتى للانواع دى
وشوفو الصور وعليكم انتو برده الحكم والتقييم
__________________
*لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*
|