رد: سؤال عن الكرال التركي
بصو يا جماعة منغير حيرة
هية نظريا البام 22 او 21 مش هتفرق الاتنين واحد تقريبا بس 22 متعدلة عن 21 عشان ثبات النشان الخلفي
المهم نظريا البام احسن من الكرال
بس انا بقول الكرال و برده كلو براحتو ده وجهه نظر شخصية
البام من تقل وزنها هتتعبك اوي و كمان لما تيجي تنشن ايدك هتفضل تترعش من الوزن ده غير رد الفعل
بس هية اقوى و فيه ناس بتقول خامتها احسن
انا مبحبش افتي انا الصراحة مجربتهاش انا بس بلفت نظرك لحاجة مهمة ممكن تتعبك بعد كده
حكاية الوزن ده مشكلة كبيرة الكرال اخف بكتير حوالي 3 كيلو الا شوية 100 جرام باين يعني مش مهم يعني قول 3 كيلو
و البام عاملة 5 الاشوية 4.9 باين يعني قول 5 يعني مش هتحس اوي ب 100 جرام
المهم ده غير كمان انك بعد كده لو حبيت تركب سكوب هيتقلك من الوزن
فالاختيار هيبقى ليك انت اللي هتفرق معاك
و خلي بالك انت هتتعب بسرعة و هتفضل رايح جاي رايح جاي انا نفسي معايا الكرال و بتعب من كتر اللف
لكن طبعا البام اقوى و بعد كده يتركبلها قطع غيار الماني
+++++++++++
الكرال بقى اخف و يتركبلها قطع غيار جامو اسباني يعني
فالوزن هوة العائق الوحيد لو انت شايف انك هتقدر تستحمل و كل شوية تعمر و تفضل رايح جاي بالبام
يبقى خلاص على البركة البام احسن من الكرال
لكن لو شايف ان الوزن هيتعبك يبقى تجيب الكرال
و اي سؤال تاني انا تحت امرك
|