رد: خلاصة الموضوع
والله ياأتش السؤال اللى عندى هو مادخل الاسلحة البيضاء وأدوات الدفاع عن النفس فى منتدى الصيد فى مصر؟
علشان الكلام يبقى مقنع لابد من تغيير اسم المنتدى لأى اسم ثانى غير الصيد فى مصر يعنى مثلا يبقى منتدى سوق الجمعة فى مصر أو منتدى محبى السنج والسيوف فى مصر او منتدى الدفاع عن النفس فى مصر وكفاية المنتديات الأخرى الموجودة المهتمة بهواية الصيد فقط فى مصر.
بصراحة كده ياهشام الموضوع مالوش دعوة خالص بحكاية ان الاعضاء بتدخل الاول علشان يقتنوا مثلا سيف او سبراى وبعد كده بينضموا لهواية الصيد. انت كصاحب للمنتدى أهتمامك الاول بعدد الافراد اللى بيدخلوا المنتدى زى ما أتكلمت معاك قبل كده فى حكاية الكم وليس الكيف. وده من حقك كصاحب للمنتدى بدون جدال.
كل شخص له وجهة نظر مقتنع بيها ودى وجهة نظرك وانت مقتنع بيها لغاية ما الايام تثبت عكس ذلك.
أتمنى لك كل التوفيق من كل قلبى وأتمنى ان تكون وجهة نظرى خاطئة وأن وجهة نظرك تزيد من عدد محبى هذه الهواية الجميلة.
خالص تحياتى.
|