اقتباس:
المشاركة الأصلية كتبت بواسطة elmasrey123
بص يا ليجند بمعنى بسيط وبدون تعقيد الفيزا دى عبارة عن اذن او تصريح لدخول اى بلد انته مش معاك الجنسية بتاعتها يعنى مش مواطن فى البلد دى تمام الفيزا بقه دى ليها اشكال وانواع كتير اوى فى فيزا سياحية وفى فيزا العمل وفيزا الدراسة وفى فيزاء الاقامة وغيرها كل وحده من دول بيبقه ليها مده معينه يعنى فيه الى شهر وفى الى سنه وفيه الى 3 سنين وفيه ال5 وفيه الى 10وهكدا على حسب الغرض من السفر وطبعا اسهلهم الفيزاء السياحيه لانها بتبقه عامة من اسبوع ل 45 يوم
تيجى بقه كل فيزا من دول له شروط بس معظم الشروط بتبقه واحده بتختلف فى شرط او اتنين على حسب نوع الفيزا علشان الغرض الى انته مسافر من اجله وكل دوله ليها شروطها للحصول على الفيزا بتاعتها يعنى مثلا فرنسا فى حالة طلب الفيزا الى مداها اكتر من 3 شهور بتطلب ايداع بنكى باسمك بمبلغ 10 الاف يورو الى هو ال80 الف الى انته بتتكلم عليهم ويكون مر عليهم شهر فى البنك وهكذا والشروط بتختلف من مكان لمكان وده بتعرفه من سفارة البلد الى انته عايز تسافرها او من اى مكتب سفريات اوشركات السياحية
|
اقتباس:
المشاركة الأصلية كتبت بواسطة thelegnedkiller
طب معلشي هتقل عليك
انا واحد صاحبي معاه الجنسيه الهولانديه ومعاه الباسبور الهولندي
يقدر يساعدني ولا ايه ياعم مصري
ولو بعتلي طلب اني اجي عنده هل تعتبر سياحه ولا اقامه
معلشي يا عم مصري تقلت عليك
وان شاء الله لما اسافر انت اول واحد هبعتلك انك تيجي معايا واول لما توصل المطار هبلغ عنك  |
تصحيح بسيط يامصرى باشا الفيزا مش معناها دخول البلد. الفيزا للسماح لك للسفر من مطار بلدك والوصول لمطار البلد الاخرى فقط يعنى تقدر تقول تصريح للسماح للسفر لهذا البلد.
طبعا انت عايز تعرف أزاى الكلام ده؟ انا هأقولك ياباشا.
أول ما بتوصل مطار البلد المراده بتقابل ضابط الجوازات. بيسألك بعض الاسألة وبعد كده بيختملك البسبور بتاعك بالدخول بمدة هوه اللى بيحددها بناء على أجاباتك على اسألته. بمعنى انك ممكن تاخد فيزا سياحة لمدة شهر مثلا وتسافر فى أخر اسبوع للفيزا ولما توصل المطار ممكن ضابط الجوازات يختملك دخول لمدة 3 شهور مثلا. مدة الاقامة بتاعتك محسوبة من تاريخ ختم الجوازات حتى لو الفيزا انتهت.
انا شوفت موقف فى مطار هيثرو فى لندن سنة 1987 ماكنتش مصدقة. 3 طلبة معاهم فيزا سياحة وبعد سؤالهم من ضابط الجوازات فى المطار تقريبا ماعجبوش الردود بتاعتهم رفض دخولهم وتم التحفظ عليهم فى المطار للرجوع الى مصر فى أول طيارة مسافرة الى القاهرة فى اليوم التالى.
بالنسبة للأخ ليجند:
أنا كتبتلك رد مفسر وبالتفصيل على سؤالك فى منتدى أخر.