موضوع جميل منك
وانا كنت زيك بالظبط وبدور اني اخرج من البلد دي من سنين وقريت عن الهجرة كتير وفعلا اسهلها كما ذكرت استراليا وكندا
ولكن لكل دولة شروطها وصعبة جدا مش سهلة زي ما متخيلها
لازم تعدي اختبارات لغة ايلتس ودي صعبة جدا ولازم نقط معينه تجيبها وطبعا التويفل الدولي
ده غير الاختبارات الشخصية
المؤهل
السن
الحالة الاجتماعية
كل ده بيفرق في تجميع النقاط ولو لغتك التانية ( فرنساوي مثلا ) كويسة بتاخد نقط ازيد وبتبقي فرصتك احسن
وبتقدم وبتملي استمارة طويلة عريضة وصفح كتير كلها انجليزي في انجليزي وبتنتظر في حدود سنة تقريبا وممكن اكتر
طبعا ده لو شغلك كويس ومؤهلك كويس ورايح للعمل
فيه هجرة دراسة ودي بتحتاح مصاريف كتير جدا
هجرة استثمار فلوسك ودي عايزة مش اقل من تقريبا 500 الف
هجرة لجوء سياسي ودي ليها شروط تانية برده , بس كانت ممكن تحصل في مصر بس الاوضاع الي موجودة حاليا وكنت ماشي فيها علي فكرة بس فيه شروط معرفتش اخلصها
والاسهل من ده كله لو ليك معارف بره في الدولة الي عايز تهاجر ليها دي بتسهلك امور كتير اوي اوي
ونصيحة مني كبر دماغك من الموضوع ده لو هتاخده اجتهاد شخصي لان مش هتوصل لحاجة