السلام عليكم ورحمة الله وبركاته
عايز احكيلكم معاناتي في تركيب الانترنت
من 3 اسابيع نقلت بيتنا في العبور وفصلت النت في بيت شبرا وقلت ادخل النت هناك اتصلت بشركة لينك واشتركت بالتليفون وبعد 48 ساعه بالظبط جالي مندوب البيت وخد الفلوس ومضيت العقد لحد هنا كنت متكيف اوي ومبسوط ومنشكح واتصلت بعد مامضيت العقد بالشركه قالولي في فني من عندنا هايروح السنترال ويركب النت وبعدها هايبعتولي الراوتر ع البيت والخدمه تشتغل
ومن ساعتها وانا في عذاب بين السنترال وشركة النت اتصلت بلينك قالولي في عزل ع الخط يعني رطوبه وصدا ياريت تبلغ السنترال انهم يعالجوه وبالفعل تم الاتصال بالسنترال وبلغت وتاني يوم اتأكدت منهم في السنترال ان المشكله اتحلت وبلغت شركة لينك قالولي خلال 48 ساعه عمل هيروح المندوب ومن ساعتها
لينك يقولولي المشكله ما اتحلتش والسنترال يقولي اتحلت وكلمنا بعد 3 ايام عمل و48 ساعه عمل ومنفوخ بين الاتنين
الحل الوحيد اني اروح السنترال يوم الاحد ومن هناك اكلم لينك واخلي مسؤل السنترال يكلم لينك واخلص علشان اتخنقت
حد عنده حل تاني