[amrhady]

المشاركة الأصلية كتبت بواسطة mando alex

يعني يا باشا اول صوره ده اصدار جديد والصوره التانيه اصدر قديم
اصل انا لما شفته في المحل كان زي الفي الصوره التانيه وكان عامل 1200 فانا عاوز اعرف انه اصدار احسن من التاني والالوان السود احسن و الفضي من وجهات نظرك وانا اسف تعبتك معايه وعلي فكره انا هجيبه فردي مش الي

ياباشا مفيش تعب ولا حاجة بس الفكرة إني أنا يوم 2\12\2013 اللي فات كنت في القاهرة ورحت عند احمد منسي وقلي الكناس ماجنوم 2800 جنيه مسالتوش على الآلي ولا فردي وعند بوندي قلتلي البنت المذة اللي هناك اللي هتقنعك تشتري بالعافية إن الألي 2300 جنيه والفردي 1800 جنيه واللي أنا شفته في المحلين سواء فردي او آلي بنفس الشكل اللي في الصورة الاولى والله اللي عليه التاج بس هي الإضاءة بتختلف بجد وبعدها رحت عند شيخون وشفت الفضي الفردي وماخدتوش لأني كنت عايز الأسود طبعا وعرفت بعدها إن الاسود اغلى لأنه عليه طلب زيادة واوقع من الفضي وهو ارتياح نفسي برضو وبعدها رحت لأبوسيف لقيته هو هو الاسود واشتريته 1100 + 25 الزيت = 1125 جنيه بس والحمدلله...
وعلى فكرة الإصدار التاني كان بيعلق عند شد الأجزاء وما بتقفش واسال titos صاحبنا معاه وله تجربة اكتر مني لنه شريه قبلي بشهر برضو ... ومن الآخر ده مسدس صوت وينفع بلي ووالله كله حلو واللي في السوق كله واحد.
وربنا يوفقك...واي خدمة