صوره لبدلة الحمايه التي يرتديها عدد من رجال القوات المسلّحه المشاركين في تأمين الاستفتاء اثناء استخدامها في #الجيش_الأمريكي
____________
ناس كتير كانت بتسأل عن البدله الحمراء الي كان لابسها عدد من رجال القوات المسلّحه الي نازلين يأمّنوا الاستفتاء
انا شخصياً محبّتش افتي من غير ما ادوّر واسأل ...
طبعا المواقع و الصفحات كلّها اعدت تفتي وقنابل ومفرقعات ومتفجرات
البدله دي بتستخدم للحمايه في ال " fighting at close range "
يعني " القتال والاشتباك من مسافات قريبه "
يعني بالعربي كده
" خناقات الشوارع والعصيان والقزاز والمولوتوف و السكاكين "
#الجيش_الامريكي بيستخدمها في تدريب جنوده , يلبّسوا واحد البدله دي وصحابه يعدوا يضربوه ويتدرّبوا عليه , والبدله دي بتوفّر الحمايه الكامله للّي لابسها في جميع اجزاء جسمه
سعر البدله الواحده : 1500 يورو , يعني تقريبا 15 ألف جنيه مصري
