اقتباس:
المشاركة الأصلية كتبت بواسطة alsaher
فعلا انت صادق والله عليه شيطان وفيه ناس هي الشيطان بعينه لسة حاصلي موقف والله والله لو كان معايا سلاح كنت استخدمته بدون تردد, الحمد لله..
وانا مش ناوي احول البيريتا الصوت حي ابدااااااا حتى لو حولته ممكن احوله بلي لكن حي حرام مش مستاهله, المسدسات الحي فكل مكان, ليه نحول صوت لحي وبعدين الكلام مش عالماسورة بس يعني مش فهلوة اغير بماسورة صلب واطلق لا بيت النار اضعف والاجزاء اضعف وكل قطعة في المسدس اضعف من انها تتحمل ما تقلقش, وصحيح سؤال مهم فتح الله له فروع في القاهرة ولا اسكندرية بس؟
البدل الحمراء الجديدة المدرعة الي مشتريينها للجيش هههههه ابقا شوفها مدرعات بشرية..
وانا من السعودية اوروبا بعيدة عننا شوية, عجبتك الكويت ؟
وطمني عليك كيف كان اول يوم في الاستفتاء شايف الناس امم نازلين, الله يوفقكم.
|
إن شاء الله ربنا يسترها ويكفينا شر السلاح...
مش فاكر بس متهيألي ليه فرعين الأساسي في إسكندرية والفرع التاني في القاهرة...
جديدة دي البدل الحمرا...
وبعدين إيه ياعم الحج إنت بتتريق على الجيش بتاعنا ولا إيه...؟؟؟
حبيب قلبي يا أهلا وسهلا بالسعودية وأهلها أصحاب الكرم والجود والوفاء...
وياهلا ويامرحبا بجيران النبي (ص)...
بس إنت شكلك فيك عرق مصري أكيد ومصر بتجري في دمك زي السعودية تمام... ولا إنا غلطان...؟؟؟
وطبعا الكويت تعجب أي حد لأنها بلد جميلة ولؤلؤة الخليج وكفاية إن أهلها طلعوا أوفياء مع مصر... وبقلك عشت عمري واتربيت فيها ومقدرش انكر خيرها وبعتبرها بلدي التاني... ووالله نفسي أرجعلها تاني لكن الحمدلله بارك الله فيما رزق...
والاستفتاء الحمدلله عدى تمام واللجنة اللي كنت منسق فيها كانت رايقة وإقبال الناس معتدل مش بطال...بس كانوا يومين طحن وهلاك
وبرضو كانوا يومين ظراف قوي وشفتلك شوية مذذ من الآخر جايين يستفتووا بالهبل يامعلم....
إنما إيه...وفرحانين قوي إنهم نازلين الاستفتاء على الدستور وحاجة عــــــــــــــــســــــــــــــل
والحمدلله رجعت قتلان ونمت لتاني يوم العصر...
والحمدلله تعبنا جيه بفايدة ونجحنا وإن شاء الله يكون خير على الكل يارب.