اقتباس:
المشاركة الأصلية كتبت بواسطة _saiko_
انا مش موافق علي موضوع تصاريح الصوت .. ده رأي و انا هشرح اسبابي
السبب الاول .. لو الداخلية شرعت ف منح تصاريح لحمل مسدسات الصوت يبقي كده بقي في عقبة بين المشتري و بين التاجر و العقبة دي اللي هي التصريح يعني لازم تروح القسم تطلع تصريح .. يعني بمعني اخر هتحط نفسك تحت ضرس الداخلية تصطادك في اي وقت ل اي سبب لاي اشتباه و انت مالكش ف المشاكل بس اسمك هيجي ف الرجلين عمااال علي بطال
السبب التاني .. عشان تطلع تصريح ب شراء مسدس صوت اكيد اكيد اكيد مش هيبقي زي السوبر ماركت تدخل تشتري واحد زبادو فراولة و تطلع .. العكس تماما .. هتلاقي الاسئلة طلعتلك كالاتي .. هتطلع تصريح ليه و تشترية ليه و انت مؤهل ولا لا و سنك كبير و لا لا و اسئلة باردة مالهاش اي لازمة بس هيسالوك و يرخموا عليك لمجرد الرخامة لان ده جهاز امني يعني لازم يفليك و يغسلك قبل ما يديلك عقاد نافع
السبب التالت .. الاسعار هتولع لية هتولع ..اقولك انا .. دلوقتي انت بتروح عند اي محل اسلحة تشتري و تمشي و التاجر عارف انك لو مش مرتاحلة هتروح ل غيرة مش هتشتري و هتمشي ف مش هتفرق معاك .. لكن لما تطلع التصريح يبقي انت كده كده شاري سواء من التاجر ده او غيرة ف ده معناه انك كدة كده هتدفع فلوس يعني التاجر يعلي السعر و لانك تعبت عبال ماتطلع التصريح يبقي لازم تشتري و ده معناه انك لازم تدفع السعر اللي هيقول علية التاجر
ف لية نجيب المشاكل و وجع الدماغ لنفسنا .. كل مافي الامر ان الدخلية تصحصح شوية و تفوق من التامول اللي هي بتشربة و القانون ياخد مجراة عادي .. اللي معاه مسدس معدل يتخذ ضدد اجراء و اللي معاه مسدس صوت يبقي كأن شيئا لم يكن و زي ماحنا عايشين .. الناس مش حاسة بكدة لان الداخلية مش بتعمل كده هي دي الخلاصة
اختلاف الرأي لا يفسد للود قضية
|
عيب ده انته اسمعلاوى عيب تقول الكلام ده العمليه بقت بزرميط ان شاء الله هيمنعوها خالص